އަވަސް އަރުވާލާފައި ދާން އުޅެމުން ޖޭސްމިން ބާސިންއަށް ލައިގެން ހުރި ހެދުމުގެ ޕްރައިޒް ޓެގް ނުނައްޓާ ބޭރަށް ނުކުމެވުނު ވީޑިއޯއެއް މިދިޔަ ހަފްތާ ބަންދުގައި ވަނީ އާންމުވެފައެވެ.
ބިގް ބޮސް އިން ފެނިގެން ދިޔަ ޖޭސްމިންވަނީ މިދިޔަ ހުކުރު ދުވަހު ބޭރަށް ދާން އުޅުމުގެ ތެރެއިން މީޑިއާއާއި ކުރިމަތިލާންޖެހިފައެވެ.
މީޑިއާއިން ކުރި ދެތިން ސުވާލަކަށް ޖަވާބު ދީފައި ދާން އުޅުނު ޖޭސްމިންގެ ހެދުމުގައި އިން ބޮޑު ޕްރައިޒް ޓެގްކޮޅުވަނީ ނޫސްވެރިންގެ ލޮލުގައި އަޅައިގެންފައެވެ.
ޖޭސްމިން ހުކުރު ދުވަހު ފެނިފައިވަނީ ދަނބު ކުލައިގެ ރީތި ގެދުމެއްގައެވެ. އަދި އޭނާ ހުރީ ހެދުމާ އެއް ކުލައިގެ ބޫޓަކަށްއަރާފަ އެވެ. މި ހެދުމަށް އިތުރު ފުރިހަމަ ކަމެއް ގެންނަނީ އޭގެ އެތެރިން ލާފާއި ހުރި އޮލިވް ގްރީންކުލަގެ ގަމީހުންނެވެ.
View this post on Instagram
ޖޭސްމިން ދާދިފަހުން ވަނީ އޭނާގެ ހުރިހާ ފޭނުންނަށް ޝުކުރު އަދާކޮށް، ނޯޓެއް ލިޔެފައެވެ. އަދި މި ނޯޓުގައި އޭނާގެ ކާމިޔާބީގެ ވަގުތުގައްޔާއި ނާކާމިޔާބީގެ ވަގުތުގައި އޭނާއަށް ހިތްވަރުދިން އެންމެނަށް ފަށްފަށުން ޝުކުރު އަދާކޮށްފައިވެއެވެ. އަދި އޭނާއަށް ބެލުންތެރިންގެ ހިތްވަރާއި ނުލާ މި ހާހިސާބަށް ނާދެވޭނެ ކަމަށް ވެސް ވަނީ ބުނެފައިއެވެ.
