ޔަޝްރާޖް ފިލްމްސްގެ ސަޕޯޓަރުންގެ ދިގު އިންތިޒާރަށް މިހާރުވަނީ ނިމުމެއް އައިސްފައެވެ. ބެލުންތެރިންގެ އިތުރުން މުނިފޫހި ފިލުވުމުގެ ދާއިރާގެ ވިޔަފާރިތައް ހިންގާ ފަރާތްތައްވެސް އިންތިޒާރު ކުރަމުން ދިޔައީ ޔަޝްރާޖްގެ ފިލްމުތައް ނެރޭނެ ދުވަހަކަށެވެ.
ޔަޝްރާޖުން މިހާރު ވަނީ ފިލްމުތައް ނެރޭނެ ތާރީހް ރަސްމީކޮށް އިއުލާން ކޮށްފައެވެ. އެގޮތުން ޔަޝްރާޖުން ވަނީ ފަސް ފިލްމެއް އިއުލާންކޮށްފަ އަވެ.
1. ސަންދީޕް އޯރް ޕިންކީ ފަރާރް
މިއީ އަރުޖުން ކަޕޫރު އަދި ޕަރިނީތީ ޗޯޕްރާ ފެނިގެންދާ ފިލްމެކެވެ. މި ފިލްމު ނެރެން ހަމަ ޖެހިފައިވަނީ އަންނަ މާރިޗު މަހު 19 ވަނަ ދުވަހުއެވެ.
2. ބަންޓީ އޮރް ބަބްލީ 2
ސައިފް އަލީ ޚާން، ރާނީ މުކަރްޖީ، ސިއްދާންތު ޗަތުރްވެދީ އަދި ޝަރްވަރީ ފެނިގެންދާނެ މި ފިލްމު ނެރުމަށް ހަމަޖެހިފައިވަނީ އޭޕްރީލް މަހުގެ 23 ވަނަ ދުވަހު އެވެ.
3. ޝަމްޝޭރާ
ރަންބީރު ކަޕޫރު، ވާނީ ކަޕޫރު އަދި ސަންޖޭ ދަތު ފެނިގެންދާ މި ފިލްމު ނެރުމަށް ހަަމަޖެހިފައިވަނީ ޖޫން މަހުގެ 25 ގައެވެ.
4. ޖަޔޭޝްބައީ ޖޯރްދާރް
27 އޯގަސްޓު 2021 ގައި ނެރުމަށް ހަމަޖެހިފައިވާ މި ފިލްމުން ފެނިގެންދަނީ ރަންވީރް ސިންގް، ޝާލިނީ ޕާންޑޭ، ބޯމަން އިރާނީ އަދި ރަޓްނާ ޕަތަކް ޝާހްއެވެ.
5. ޕްރިތްވިރާޖް
މިފިލްމު ނެރުމަށް ހަމަޖެހިފައިވަނީ ދިވާލީގައެވެ. އެއީ 5 ނޮވެމްބާރ 2021 ގައެވެ. މި ފިލްމުން ފެނިގެން ދާނީ އަކްޝޭކުމާރް، މަނޫޝީ ޗިއްލާރ، ސަންޖޭދަތު އަދި ސޯނޫ ސޫދް އެވެ.
