ފިލްމީ ތަރިންނަކީ އަބަދުވެސް ރީތިކަމަށް ލޯބިކުރާ ބައެކެވެ. ހަށިގަނޑުގެ ބައްޓަމާއި، ހަންގަނޑުގެ އޮމާންކަމަށް މި ތަރިން އަބަދުވެސް ފަރުވާ ބަހައްޓައެވެ. ކަސްރަތު ކުރުމާއި ކާނާ ކެއުމުން ފެށިގެން ތަފާތު ސާޖަރީތަކުގެ އެހީގައި ރީތިކަން ދަމަހައްޓާ ތަރިން ވެސް މަދެއްނޫނެވެ.
އުމުރުން 40 އަށްވުރެ މަތި ވިއިރުވެސް ޒުވާންކަމަށް ބަދަލެއް އައިސްފައިނުވާ ތަރިންގެ ތެރޭގައި ކަރިޝްމާ ކަޕޫރު ހިމެނޭނެއެވެ. އެއް އިރެއްގައި އޭނާ އަކީ ބޮލީވުޑްގެ އެންމެ އުހުގައި ފިޔަ ޖެހި ތަރިއެކެވެ. ކަރިޝްމާއަކީ މީސްމީޑިއާގައި އެހާބޮޑަށް "ފިޓްނަސް އެންތުސިއެސްޓެއް" ނޫނެނެވެ. އެހެންނަމަވެސް މިހާރުވެސް ކަރިޝްމާ ފެނިގެންދަނީ 90 ގެ އަހަރުތަކުގައި އެނާ ފެނިގެންގޮސްފައިވާ ފަދައިންނެވެ. ކަރިޝްމާގެ ޒުވާންކަމަށް ބަދަލެއް ނާދެއެވެ.
އުމުރުން 46 އަހަރުގެ ކަރިޝްމާ ވަނީ ގިނަ ފިލްމު ތަކަކުން ފެނިގެން ގޮސްފައިއެވެ. އަދި އެނާގެ މަގުބޫލު ކަންވެސް ބެލުންތެރިންގެ މެދުގައި ބޮޑެވެ. 2003 ވަނަ އަހަރު ވިޔަފާރީވެރިޔާ ސަންޖޭ ކަޕޫރު އާއި ކައިވެނި ކުރުމަށްފަހު އޭނާ ފިލްމުކުޅުން ހުއްޓާލިއެވެ. ނަމަވެސް އެކައިވެނި 2016 ވަނަ އަހަރު ވަނީ ރޫޅިފައިއެވެ. މި ކައިވެނިން ކަރިޝްމާއަށް ވަނީ ދެކުދިން ވެސް ލިިބިފަ އެވެ.
ކަރިޝްމާގެ މަގުބޫލު ފިލްމުތަކުގެ ތެރޭގައި "އަންދާޒް އަޕްނަ އަޕްނާ" "ރާޖާ ހިންދުސްތާނީ" "ދިލްތޯ ޕާގަލްހޭ" "ބީވީ ނަންބަރު 1″ އަދި " ހަމް ސާތު ސާތުހޭ" ފަދަ މަޝްހޫރު ފިލްމުތަށް ހިމެނެއެވެ.
View this post on Instagram
މި ލިސްޓުގައި ރަވީނާ ހިމެނުމަކީ އެއްވެސް ސުވާލެއް އޮތްކަމެއް ނޫނެވެ. ރަވީނާ ޓަންޑަން އަކީ ކަރިޝްމާއެކޭ އެއްފަދައިން މީސްމީޑިއާގައި އެހާބޮޑަށް "ފިޓްނަސް އެންތުސިއެސްޓެއް" ނޫނެނެވެ. އެހެންނަމަވެސް މިހާރުވެސް އޭނާގެ ފިޓް އަދި ރީތި ހަށިގަނޑު ފެނިފައި އެންމެންގެވެސް ހިތްތައް ފަތަހަ ކޮށްލާނެއެވެ.
މިހާރު އުމުރުން 46 އަހަރުގެ ރަވީނާ ވަނީ ރީތި އެތައް ފިލްމަކުން ފެނިގެން ގޮސްފައެވެ. އަދި ބެލުންތެރިންގެ ހިތުން ވަނީ ޖާގަ ހޯދާފައިއެވެ. ރަވީނާގެ ފިލްމީ ކެރިއަރ ފެށިގެން ދިއައީ 1991 ވަނައަހަރު ފިލްމް " ޕައްތަރުކޭ ޕޫލް" އިންނެވެ. މި ފިލްމް ވެގެން ދިޔައީ ރަވީނާގެ ކެރިއަރުގެ ބިންގާ ކަމުގައިއެވެ. މި ފިލްމާއި އެކު ފިލްމު އުފަދާ ފަރާތްތަކުގެ އެންމެ ކުރީ ލިސްޓުން ޖާގަ ހޯދާ ރަވީނާ ވަނީ ބޮލީވުޑްގައި ފައިތިލަ ސާބިތުކޮށްފަ އެވެ. ރަވީނާ ވަނީ ބޮލީވުޑްގެ ފިލްމުތަކުގެ އިތުރުން ސައުތު އިންޑިއަން ފިލްމުތަކުންވެސް ފެނިގެން ގޮސްފައިއެވެ.
ރަވީނާގެ ފާހަކޮށްލެވޭ ފިލްމުތަކުގެ ތެރޭގައި "ޕައްތަރުކޭ ޕޫލް" "ލާޑްލާ" "އަކްސް" ފަދަ ފިލްމުތަށް ހިމެނެއެވެ.
View this post on Instagram
އައިޝްވާރިއާ ރާއީ ބައްޗަންގެ ރީތި ކަމަކީ މުޅި ދުނިޔެއަށްވެސް މަޝްހޫރުކަމެކެވެ. އެގޮތުން އޭނާ ވަނީ 1994 ވަނަ އަހަރުގައި މިސް ވޯލްޑް ގެ ތާޖު ހޯދާފައެވެ. އައިޝްވާރިއާގެ ރީތި ކަމުގެ ކުރިމަތީގައި މިހާރުގެ ޒުވާން ކުދިންވެސް ބައެއް ފަހަރަށް އިސްޖަހާލަންޖެހެއެވެ.
47 އަހަރުގެ އައިޝްވާރިޔާގެ ފާހަގަ ކޮށްލެވޭ ފިލްމުތަކުގެ ތެރޭގައި "ތާލް" "މޮހައްބަތޭން" "ދޭވްދާސް" ފަދަ ފިލްމު ތަށް ފާހަގަ ކޮށްލެވެއެވެ. މީގެ އިތުރުން 2007 ވަނަ އަހަރު ނިކުތް ފިލްމް "ގްރޫ" އަކީވެސް އައިޝްވާރިޔާ ގެ ކެރިއަރުގައި ފާހަގަ ކޮށްލެވޭ ފިލްމެކެވެ. މި ފިލްމު އާއި އެކު އައިޝްވާރިޔާގެ ހަޔާތަށްވެސް ބަދަލުތަކެއް ވަނީ އައިސްފައިއެވެ. އެގޮތުން މި ފިލްމުން އައިޝްވާރްޔާއަށް ވަނީ އޭނާގެ ހާޔާތުގެ ބައިވެރިޔާ ލިބިގެން ގޮސްފައިއެވެ.
ފިލްމު ރިލީޒް ކުރި އަހަރު އައިޝްވާރިޔާ ވަނީ ފިލްމުގެ ބަތަލު އަބިޝޭކް ބައްޗަންއާ ކައިވެނިކޮށްފަ އެވެ. އެދި މި ކައިވެނިން އޭނާއަށް ވަނީ އަންހެން ކުއްޖަކުލިބިފަ އެވެ.
View this post on Instagram
ރީތިކަމަށް ބަލައިލާއިރު ތަބޫ ނުހިމަނައިފިނަމަ އެ ވާނީ ނާއިންސާފަކަށެވެ. މީސްމީޑިއާގައި މާ ހަރަކާތްތެރި ނޫންކަމުގައިވިޔަސް ތަބޫ ވަނީ ބެލުންތެރިން ބަލައިގެންފައިވާ އެތައް ފިލްމަކުން ފެނިގެންގޮސްފައެވެ.
އެގޮތުން ތަބޫގެ ފާހަގަ ކޮށްލެވޭ ފިލްމު ތަކުގެ ތެރޭގައި "ނާމްސާކޭ"، "ހައިދަރް"، "ޑިޝްޔަމް" ފަދަ ފިލްމުތަށް ފާހަގަ ކޮށްލެެވެއެވެ. ތަބޫ ވަނީ ހިންދީ ތެލުގޫ އަދި ޓަމިލް ފިލްމުތަކުންވެސް ފެނިގެން ގޮސްފައެވެ.
އުމުރުން 49 އަހަރުގެ މި ރީތި ބަތަލާ އަދި މިހާތަނަށް ކައިވެންޏެއް ކޮށްފައެއް ނުވެއެވެ.
View this post on Instagram
