ފްލައިދުބާއީގެ ފްލައިޓެއް ހައިޖެކްކޮށް ޓެރަރިސްޓް ހަމަލާއެއް ދޭން އުޅުނު ކަމުގެ ތުހުމަތުކުރެވޭ އޮމާންގެ ކޯ-ޕައިލެޓް ހައްމާމް އަލް ހަމާނީއާ ގުޅުން އޮތް ކަމަށް ބެލެވޭ ދެ ދިވެއްސަކު ޔޫއޭއީގައި ހައްޔަރުކޮށްފިއެވެ.
ލިބިފައިވާ މަޢުލޫމާތުތަކުން ދައްކާ ގޮތުގައި، ހައްޔަރުކުރި ދެ ދިވެހިންނަކީ ތުހުމަތުކުރެވޭ ކޯ-ޕައިލެޓާ އެއް އިމާރާތެއްގައި ދިރިއުޅޭ ދެ މީހުންނެވެ.
ހާދިސާ ހިނގީ ގާތްގަނޑަކަށް 174 ފަސިންޖަރުންނާއެކު ދުބާއީން ޓެލް އަވީވަށް ދަތުރުކުރަމުން ދިޔަ ފްލައިދުބާއީގެ ބޯއިންގ 737 މެކްސް 8 ބޯޓެއްގައެވެ. ކޮކްޕިޓް ތެރޭގައި ކޯ-ޕައިލެޓް ކެޕްޓަނަށް ވަޅިން ހަމަލާދީ ބޯޓު ވައްޓާލަން މަސައްކަތް ކުރި ނަމަވެސް، ޒަޚަމްވެފައި ހުރި ކެޕްޓަން ކޮކްޕިޓްގެ ދޮރު ހުޅުވާލުމުން ފަސިންޖަރުން ވަދެ ކޯ-ޕައިލެޓް ހިފެހެއްޓުމާއެކު ބޯޓުގެ ކޮންޓްރޯލް ނަގައި ބޯޓު ސަލާމަތްވިއެވެ.
މި ހާދިސާއާ ގުޅިގެން ޔޫއޭއީން ބުނީ، މިއީ ބޯޓު ވައްޓާލުމުގެ ނިޔަތުގައި ކޯ-ޕައިލެޓް ދިން ހަމަލާއެއް ކަމަށާއި، އެއީ ޓެރަރިޒަމްގެ އަމަލެއް ކަމަށެވެ.
ކޮމެންޓު ފޮނުވާ