ވޯލްޑް ކަޕްގައި ރޭ ހައިޓީ އަތުން 3-0 އިން ފަސޭހަކަމާއެކު މޮޅުވެ، ބްރެޒިލް ގްރޫޕް ސީގެ އެއްވަނައަށް އަރައިފިއެވެ.
މި މެޗުގެ ފުރަތަމަ ހާފުގައި ބްރެޒިލްއިން ޖެހި ތިން ލަނޑުގެ ތެރެއިން ދެ ލަނޑު ކާމިޔާބުކޮށްދިނީ މެތެއަސް ކޫނާއެވެ. އަނެއް ލަނޑު ޖަހައިދިނީ ވިނީޝިއަސް ޖޫނިއާއެވެ. މުބާރާތުގެ ފުރަތަމަ މެޗުގައި މޮރޮކޯއާ އެއްވަރުވެފައި އޮތުމުން، މި މޮޅަކީ ބްރެޒިލްގެ އުއްމީދުތައް އާވެގެންދިޔަ މުހިންމު ނަތީޖާއެކެވެ.
ރޭ ސްކޮޓްލެންޑް އަތުން 1-0 އިން މޮރޮކޯ މޮޅުވެފައިވާއިރު، ބްރެޒިލް އަދި މޮރޮކޯއަށް ވެސް މިހާރު ވަނީ ހަތަރު ޕޮއިންޓް ލިބިފައެވެ. ނަމަވެސް ފައިދާ ތިން ގޯލާއެކު ގްރޫޕްގެ ކުރި ލިބެނީ ބްރެޒިލްއަށެވެ. ގްރޫޕް ސްޓޭޖުގެ ފަހު ދެ މެޗު އެއްވަގުތެއްގައި ކުޅޭއިރު، މިއީ ވަރަށް ވާދަވެރި ގްރޫޕަކަށް މިވަނީ ވެފައެވެ. ފުރަތަމަ މެޗުން މޮޅުވެ ތިން ޕޮއިންޓް ހޯދާފައިވާ ސްކޮޓްލެންޑަށް ވެސް ގަދަ 32 ގެ ޖާގައެއް ހޯދުމުގެ ފުރުސަތު އަދި އެބައޮތެވެ. ގްރޫޕްގެ ފަހު މެޗުގައި ބްރެޒިލް ނުކުންނާނީ ސްކޮޓްލެންޑާ ދެކޮޅަށެވެ. އަދި މޮރޮކޯ ކުޅޭނީ މުބާރާތުން މިހާރު ކަޓާފައިވާ ހައިޓީއާ ދެކޮޅަށެވެ.
ކޮމެންޓު ފޮނުވާ