ކުރިއަށް އޮތް ދުވަސްތަކުގައި މޫސުން ގޯސްވެ، ވައިބާރުވެ ކަނޑުތައް ގަދަވާނެކަމަށް މެޓުން ލަފާކޮށްފައިވާތީ، ކަނޑުމަގުން ކޮންމެހެން ކުރަންޖެހޭ ދަތުރުތައް ފިޔަވައި އެހެން ދަތުރުތައް ނުކުރުމަށް ޤައުމީ ސަލާމަތީ ބާރު، އެމްއެންޑީއެފުން އިލްތިމާސްކޮށްފިއެވެ.
މުޅިރާއްޖެއަށް މޫސުން ގޯސްވާނެކަމަށް މެޓުން ލަފާކޮށްފައިވާތީ، ރީނދޫ ނުވަތަ އޮރެންޖު ސަމާލު ނެރެފައިވަނިކޮށް ދަތުރު ނުކުރުމަށް ހާއްސަކޮށް އެދިފައިވެއެވެ. ޑައިވިން އަދި ވޯޓާ ސްޕޯޓްސްގެ ހިދުމަތްދޭ ފަރާތްތަކުންވެސް މޫސުމަށް ހާއްސަ ސަމާލުކަމެއް ދިނުމަށް އެމްއެންޑީއެފުން އެދެއެވެ.
ދަތުރުކުރާ އުޅަނދުތަކުން ލައިފް ޖެކެޓާއި މުވާސަލާތީ ނިޒާމު ރަނގަޅަށް ހުރިތޯ ޗެކްކުރުމާއި، އުޅަނދަށް މާބޮޑަށް މުދާ އަރުވައި އުޅަނދު ބަރު ނުކުރުމަށްވެސް އެމްއެންޑީއެފުން އިލްތިމާސްކޮށްފައިވެއެވެ. އަދި ދަތުރު ފެށުމުގެ ކުރިން ދިޔަހިއްކާ ޕަންޕުފަދަ ތަކެތި ރަނގަޅަށް މަސައްކަތް ކުރޭތޯ ކަށަވަރުކުރުމަށްވެސް ވަނީ އެދިފައެވެ.
ކޮމެންޓު ފޮނުވާ