ރާއްޖޭގެ 57 ވަނަ ޖުމްހޫރީ ދުވަހުގެ މުނާސަބަތުގައި ކުރީގެ ރައީސް އިބްރާހިމް މުހައްމަދު ސޯލިހު ވިދާޅުވެފައިވަނީ ޖުމްހޫރީ ވެރިކަމެއްގައި ރައްޔިތުންގެ މަސްލަހަތު އިސްކުރުމަކީ އެންމެ މުހިއްމު އަސާސް ކަމުގައެވެ. މިއަދު އެކްސްގައި ހިއްސާކުރެއްވި ޕޯސްޓެއްގައި ދިވެހި ރައްޔިތުންނަށް ޖުމްހޫރީ ދުވަހުގެ ތަހުނިޔާ ފޮނުއްވަމުން ސޯލިހު ފާހަގަކުރެއްވީ ޖުމްހޫރިއްޔަތެއްގައި ދައުލަތް ހިންގުމުގެ އެންމެހާ ބާރުތައް ފެށިގެން އަންނަނީ ރައްޔިތުންގެ ކިބައިން ކަމަށެވެ. އެހެންކަމުން ވެރިކަމުގެ އެންމެހާ ކަމެއްގައި ރައްޔިތުންގެ މަސްލަހަތު އެންމެ ކުރީގައި ބެހެއްޓުމަކީ ޖުމްހޫރީ ވެރިކަމެއްގައި އިސްކުރަންޖެހޭ ކަމެއް ކަމުގައި ރައީސް ސޯލިހު ވަނީ ފާހަގަކުރައްވާފައެވެ.
ރާއްޖޭގައި ދެވަނަ ފަހަރަށް ޖުމްހޫރީ ވެރިކަމެއް ގާއިމުކުރެވުނީ 1968 ވަނަ އަހަރުގެ ނޮވެމްބަރު 11 ވަނަ ދުވަހުއެވެ.
ކޮމެންޓު ފޮނުވާ