ރައީސް ޑރ. މުޙައްމަދު މުއިއްޒު ވެވަޑައިގެންނެވި ވައުދާ އެއްގޮތަށް ކީރިތި ގުރުއާން ހިތުދަސްކޮށްފައިވާ ހާފިޒުންނަށް ލިބެމުންދިޔަ މަހު އެލަވަންސް 2000 ރުފިޔާއިން 4000 ރުފިޔާއަށް ސަރުކާރުން ބޮޑުކޮށްފިއެވެ.
އިސްލާމިކް މިނިސްޓްރީން ބުނި ގޮތުގައި ކީރިތި ގުރުއާން ހިތުދަސްކުރުމަށް ޒުވާނުން ޝައުގުވެރިކުރުވައި، ހާފިޒުންނަށް އިތުރު ހިތްވަރެއް ދިނުމުގެ މަގުސަދުގައި ޖުލައި މަހުން ފެށިގެން މި އެލަވަންސް ބޮޑުކުރުމަށް ނިންމާފައިވާ ކަމަށެވެ. މި ނިންމުން ވަޒީރުންގެ މަޖިލީހުން ފާސްކޮށްފައިވަނީ ޖޫން މަހުގައި ކަމަށާއި، އެ ނިންމުމާ އެއްގޮތަށް އިއްޔެ ހާފިޒުންގެ ބޭންކް އެކައުންޓްތަކަށް ބޮޑުކުރެވުނު އެލަވަންސްގެ ފައިސާ ޖަމާކޮށް ނިމިފައިވާ ކަމަށް މިނިސްޓްރީން ހާމަކުރެއެވެ.
ހާފިޒުން ތަމްރީނުކޮށް، އެބޭފުޅުންނަށް ދޭންޖެހޭ އިޙްތިރާމާއި ގަދަރު އިތުރުކުރުމަކީ ދިވެހި މުޖުތަމަޢުގައި ކީރިތި ގުރުއާނަށް ލޯބިކުރާ މިންވަރު އިތުރުކުރުމުގައި ވަރަށް މުހިންމު ދައުރެއް އަދާކުރާނެ ކަމެއް ކަމަށް ސަރުކާރުން ދެކޭ ކަމަށް އިސްލާމިކް މިނިސްޓްރީން ފާހަގަކުރެއެވެ.
ރާއްޖޭގައި މިވަގުތު ތިބި ގުރުއާން ހިތުދަސް ހާފިޒުންގެ ޚިދުމަތް ފާހަގަކޮށް އަގުވަޒަންކުރުމަކީ ކުރީ ސަރުކާރުތަކުންވެސް ކުރަމުން އައި ކަމެއް ނަމަވެސް، މިހާރުގެ ސަރުކާރުގެ ސިޔާސަތަކީ މިކަމަށް ކުރިއަށްވުރެ ބޮޑު އަހަންމިއްޔަތުކަމެއް ދީ، އިސްލާމްދީނުގެ އަސްލުތަކަށް ދިވެހި ޒުވާނުންގެ ލޯތްބާއި ޝައުގުވެރިކަން އިތުރުކުރުން ކަމަށް ރައީސް މުއިއްޒު ވިދާޅުވެފައިވެއެވެ.
ކޮމެންޓު ފޮނުވާ