އީރާނުގެ ނިއުކުލިއަރ ކާރުޚާނާތަކުން ރޭޑިއޭޝަން ބޭރުވެދާނެކަމުގެ އިންޒާރު ދީފި އދ.ގެ ނިއުކްލިއަރ ވޮޗްޑޮގް، އައިއީއޭއިން ދީފިއެވެ.
އދ.ގެ ނިއުކްލިއަރ ވޮޗްޑޮގްގެ ވެރިޔާ ބުނެފައިވަނީ އިސްރާއީލުގެ ވައިގެ ހަމަލާތަކަށްފަހު ނަތަންޒުގައި ހުންނަ އިރާނުގެ މައިގަނޑު ނިއުކްލިއަރ އެންރިޗްމަންޓް ފެސިލިޓީގައި ރޭޑިއޮލޮޖިކަލް އަދި ކެމިކަލް ކޮންޓަމިނޭޝަން އައުމުގެ ފުރުސަތު އެބައޮތް ކަމުގައެވެ.
ރަފައެލް ގްރޮސީ ބުނީ، މައިގަނޑު ކަންބޮޑުވުމަކީ ޔުރޭނިއަމް ހެކްސަފްލުއޮރައިޑް ކިޔާ ގޭހެއްގެ ކެމިކަލް ޓޮކްސިސިޓީ ކަމަށެވެ. މިއީ އެންރިޗްމަންޓްގެ ވަގުތު ޔުރޭނިއަމާއެކު ފްލޯރިން އެއްކޮށްލުމުން އުފެދޭ އެއްޗެކެވެ. މިއީ ވޮލަޓައިލް އެއްޗަކަށް ވެފައި، އަވަހަށް ކޮރޯޑްވެ، ހަމަށް ރާޅާލައި، ޚާއްސަކޮށް ނޭވާލާފައިވާނަމަ މަރާލާ ނުރައްކާތެރި އެއްޗެކެވެ.
ސައިޓުން މައުލޫމާތު ނަގާލުމެއް ނެތި، އިންޓަނޭޝަނަލް އެޓޮމިކް އެނާޖީ އެޖެންސީ އަށް "ރޭޑިއޮލޮޖިކަލް ހާލަތުތަކާއި އާބާދީއަށާއި ތިމާވެށްޓަށް ކުރާނެ އަސަރުތައް ރަނގަޅަށް ވަޒަންކުރެވޭކަށް ނެތް އަދި ބޭނުންވާ އެހީތެރިކަން ފޯރުކޮށްދެވޭކަށް ނެތް" ކަމަށް ގްރޮސީ ބުނެފައި ވެއެވެ.
އދ.ގެ އިންސްޕެކްޓަރުން އިރާނުގައި ތިބޭނެ ކަމަށާއި "ރައްކާތެރިކަމުގެ ހާލަތު ހުއްދަކުރާ ވަގުތެއްގައި" ނިއުކްލިއަރ ފެސިލިޓީތައް އިންސްޕެކްޓް ކުރާނެ ކަމަށް އޭނާ ބުންޏެވެ.
އިރާނުން ދަނީ މެދު ކެނޑުމެއްނެތި އީރާނަށް ވައިގެ ހަމަލާތައް ދެމުންނެވެ. އޭގެ ތެރޭގައި އީރާނުގެ ނިއުކުލިއަރ ކާރުޚާނާތައް ވެސް ހިމެނެއެވެ. އެހެންނަމަވެސް، އިރާނުން ޔޫރޭނިއަމް ފައްކާ ކުރަމުންދަނީ ފަރުބަދަ ތަކުގެ އަޑީގައިކަމަށް ވުމާއެކު އިސްރާއީލުން ދެމުން ހަމަލާތައް އަދިވެސް އެހިސާބަށް ފޯރާފައި ނުވާކަމަށްވެސް މީޑިއާ ރިޕޯޓުތައް ބުނެއެވެ. ފަރުބަދަތަކުގެ ފުނަށް ފޯރާވަރުގެ ހަތިޔާރުތައް ހުރި ހަމައެކަނި ގައުމަކީ އެމެރިކާއެވެ.
ކޮމެންޓު ފޮނުވާ