އެމެރިކާގެ އިންތިޚާބީ ނާއިބު ރައީސާ ކާމަލަާ ހެރިސް، މީޑިއާގެ ހާޒިރުގައި، ކޯވިޑް19 ވެކްސިން ޖައްސަވާއިފިއެވެ. ކާމަލާ ހެރިސް ޖައްސަވާފަ ވަނީ އެމެރިކާގެ މޮޑާނާ ކުންފުނިން ތައްޔާރުކޮށް ބާޒާރަށް ނެރެފައިވާ ކޯވިޑް19 ވެކްސިނެވެ.
ޔުނައިޓެޑް މެޑިލަން ސެންޓަގެ ރެޖިސްޓާރޑް ނަރުސް، ވެކްސިން ތައްޔާރުކޮށް ވެކްސިން ޖެހުމަށް ސިރިންޖް ނެގުމާއެކު، "އަވަހަށް ވެކްސިން ޖަހަމާ ހިގާ" ހެރިސް ވިދާޅުވިއެވެ. އަދި ވެކްސިން ޖަހާ ނިމުމާއެކު ހެރިސް ވިދާޅުވީ، އެއީ ވަރަށް ފަސޭހަ ކަމެއް ކަމަށެވެ. ވެސިން ޖެހިކަމުގެ އެއްވެސް އިހުސާސެއް ނުވާ ކަމަށެވެ.
ވެކްސިން ޖެހުމަށްޓަކާ، ހެރިސް ދަތުރު ކުރެއްވީ، އެމެރިކާގެ ބައި މަދު ނަސްލުތަކަށް ނިސްބަތްވާ ދަރިކޮޅުތަކުގެ މީހުން ގިނައި ދިރިއުޅެމުންދާ ވޮޝިންގޓަން ޑީސީއަށެވެ. އަދި ވެކްސިން ޖެއްސެވީ، ވޮޝިންޓަން ޑީސީގެ އިރު ދެކުނުގެ ސަރަހައްދެއްގައި ހުންނަ މެޑިކަލް ސެންޓަރުގައެވެ. އަދި މި ސެންޓަރުގައި، ހެރިސްގެ ފިރިކަލުންވެސް ވެކްސިން ޖެއްސެވިއެވެ.
މީގެ 2 ހަފްތާކުރިން އެމެރިކާގެ އިންތިޚާބީ ރައީސް ޖޯ ބައިޑްންވެސް ވަނީ ވެކްސިން ޖައްސަވާފައެވެ.
ވެކްސިން ޖެއްސެވުމަށްފަހު، އުމުރުން 78 އަހަރުގެ ބައިޑްން އެމެރިކާގެ ރައްޔިތުންނަށް ވިދާޅުވެފައިވަނީ، "އެއްވެސް ކަމަކާ ހާސް ނުވުމަށާ' އަދި މާސްކް އަޅައިގެ، ސިއްޙީ މާޙިރުންގެ އިރުޝާދުތައް އަޑުއަހައިގެން އުޅުމަށެވެ.
އެމެރިކާގެ އިންތިޚާބީ ނާއިބުރައީސާ މިއަދު ވެކްސިން ޖެއްސެވިއިރު، ބައިޑްން ވެކްސިން ޖައްސަވާފަ ވަނީ، އެމެރިކާގައި އެންމެ ފުރަތަމަ ފަހަރަށް ވެކްސިން ދޭން ފެށިތާ ހަފްތާއެއް ފަހުންނެވެ. އަދި ދެވަނަ ވެކްސިނެއް ބޭނުންކުރުމުގެ އެމަޖެންސީ ހުއްދަ އެގައުމުގެ ފުޑް އެންޑް ޑްރަގް އޮތޯރިޓީން ދިންތާ 3 ދުވަސް ފަހުންނެވެ.
ކުރިޔަށްއޮތް ދައުރުގެ އެމެރިކާގެ ފަސްޓް ލޭޑީ، ބައިޑްންގެ އަބިކަބަލުން، ޖިލްބައިންޑްވެސް ވަނީ އެދުވަހު ހެދުނު ފައިޒަރ ވެކްސިން ޖައްސާވާފައެވެ. ޖިލްވެސް ވެކްސިން ޖައްސަވާފަ ވަނީ ބައިޑްންވެސް ވެކްސިްނ ޖެއްސެވި ހޮސްޕިޓަލުގައެވެ.
ކޯވިޑް ވެކްސިން ޖެއްސެވުމަށްފަހު، ވެކްސިން ޖެއްސެވި ރޫމުގައި ތިއްބެވި ރިޕޯޓަރުން، ކުޑަ މެޑިކަލް ސެންޓަރެއްގައި ވެކްސިން ޖެއްސެވީ، އެމެރިކާގެ ބައިމަދު ނަސްލުތަކުގެ މެދުގައި ވެކްސިން ޖެހުމުގައި އޮތް ނުތަނަވަސްކަން ނައްތާލުމުގެ ގޮތުންތޯ ހެރިސްގެ އަރިހުން ސުވާލު ކުރިއެވެ.
"އަހަރެން މި ކުލިނިކުގައި ވެކްސިން މިޖެހީ، މިއަދު އަހަރެންނަށް ވެކްސިން މިދިން ޕެޓްރިކާފަދަ ރަގަޅު ނަރުހުން ތިބިކަން ސާބިތު ކޮށްދީ، އަދި އަދި މިކަހަލަ، ރަގަޅު ޚިދުމަތް ލިބޭ، ކުލިނިކްތަކާއި މެޑިކަލް ސެންޓަރުތައްވެސް އަހަރުމެންގެ ގައުމުގެ އެކިހިސާބުތަކުގައި ތިބުކަން ސާބިތު ކޮށްދިނުމުގެ ގޮތުން" ޖަވާބުގައި ހެރިސް ވިދާޅުވިއެވެ.
