އާރްޑީސީން އަމީނީމަގުގެ މަރާމާތު މަސައްކަތް ފަށައިފިއެވެ. މި މަސައްކަތް ފެށުމުގެ މައިގަނޑު ބޭނުމަކީ މާފަންނު ސްޓޭޑިއަމް ސަރަހައްދުގެ ތާރުގަނޑަށް ލިބިފައިވާ ގެއްލުން މަރާމާތު ކުރުމެވެ. އެކުންފުނިން އެކްސްގައި ހިއްސާކުރި މައުލޫމާތުގައިވާ ގޮތުން، މި މަސައްކަތުގެ ތެރޭގައި ހަލާކުވެފައިވާ ތާރުގަނޑު ނަގައި، އަލުން ތާރު އެޅުން ހިމެނެއެވެ.
އަމީނީމަގު މާފަންނު ސްޓޭޑިއަމް ސަރަހައްދުގައި ތާރު އަޅާފައިވާ ހިސާބަށް ގެއްލުންވެފައި ވުމުގެ ސަބަބުން އެ ސަރަހައްދު މަރާމާތު ކުރުމުގެ މަސައްކަތް މިހާރު އަންނަނީ ކުރަމުން.#TeamRDC pic.twitter.com/qeFcmZcVs9
— Road Development Corporation Ltd (@rdcmaldives) January 11, 2025
އަމީނީމަގު ޒަމާނީ ފެންވަރަށް ތަރައްޤީކުރުމުގެ މަޝްރޫއު ކުރީ ސަރުކާރުން ހަވާލުކޮށްފައިވަނީ އާރްޑީސީއާއެވެ. މި މަޝްރޫއުގެ މަސައްކަތް ނިމިފައިވަނީ މިދިޔަ އަހަރުގެ ތެރޭގައެވެ. ނަމަވެސް މި މަސައްކަތް ނިމުނުއިރު މާފަންނު ސްޓޭޑިއަމް ސަރަހައްދުގައި އަޅާފައިވާ ތާރުގަނޑު އޮތީ ބޮޑުތަން ހަލާކުވެފައެވެ.
ކޮމެންޓު ފޮނުވާ