މަޝްހޫރު ފިލްމީ ތަރިން ކަމަށްވާ އަޔުޝްމާން ކުރާނާއާއި ވިކީ ކޯޝަލް އަދި ކާތިކް އާރްޔާން، ވަރުން ދަވަން ކައިރީގައި ސާރާ އަލީ ޚާން އާއި ބެހޭގޮތުން ވާހަކަދައްކާފައިކަމަށް ވަރުން ބުނެފިއެވެ.
ވަރުން މިހެން ބުނެފައި ވަނީ "ކޫލީ ނަމްބަރ-1″ ޕްރޮމޯޓްކުރުމަށް ކުރާ މަސައްކަތުގެ ތެރެއިން، ފިލްމު ޕްރޮމޯޝަންގައި "ދަ ކަޕިލް ޝަރްމާ ޝޯވ"ގައި ދެއްކި ވާހަކައެއްގައެވެ. މި ޝޯވްގެ ކުރިއަށްއޮތް އެޕިސޯޑްގެ ޕްރޮމޯ ވީޑިއޯއެއްގައި ވަރުން ބުނަނީ ސާރާ އާއި އެކު މަސައްކަތްކުރަން ފެށުމުން އަޔުޝްމާނާއި ކާތިކް އަދި ވިކީ ކޯޝަލް މެސެޖްކޮށް ސާރާއާއި އެކު މަސައްކަތް ކުރަންޔާ ބަލައިގެން އުޅުމަށްބުނެ ނަސޭހަތްދިންކަމަށެވެ. ނަމަވެސް ވަރުން މިހެން ބުނަނީ ޖޯކަކަށް ހަދާފައެވެ.
ސާރާ އާއި ވަރުންއެއްކޮށް ފެނިގެންދާ ފިލްމު "ކޫލީ ނަމްބަރ-1″ އަކީ 1995 ގައި ކަރިޝްމާ ކަޕޫރް އަދި ގޯވިންދާ ގެ "ކޫލީ ނަމްބަރ-1″ ގެ ރިމޭކްއެކެވެ.
މިޑް ޑޭއަށް ދިން އިންޓަވިއުއެއްގައި ސާރާ ވަނީ، ކުރީގެ ފިލްމުގެ ޕްލޮޓަށް ނުބަލައި ފަހުގެ "ކޫލީ ނަމްބަރ-1″ ބަލަން ޖެހޭނީ ވަރަށް އޯޕަން މައިންޑަކާއެކުގައި ކަމަށް ބުނެފައިއެވެ. ވަރުންގެ ބައްޕަ ޑައިރެކްޓަރ ޑޭވިޑް ދަވަން އުފައްދާފައިވާ މި ފިލްމު ރިލީސްކުރަން ހަމަޖެހިފައިވަނީ އެމެޒަން ޕްރައިމް ވީޑިއޯގަ މާދަމާއެވެ.
ސަރާ އެންމެ ފުރަތަމަ ފެނިގެންދިޔަ ފިލްމަކީ އަބީޝޭކް ކަޕޫރުގެ "ކެދާރްނާތު"އެވެ. އެ ފިލްމުގައި ސާރާއާއެކު ފެނިގެންދިޔައީ ސުޝާންތް ސިންގް ރާޖުޕުތެވެ. އެއަށްފަހު، ފިލްމު "ސިންބާ" އަދި "ލަވްއާޖްކަލް" އިން ފެނިގެންދިޔައެވެ. މިހާރު ސާރާ މަސައްކަތް ކުރަމުންދަނީ "އަތުރަންގީ ރޭ" ގައި އަކްޝޭ ކުމާރާއި ދަނުޝްއާއެކުގައެވެ.
ކޮމެންޓު ފޮނުވާ