އަމީނީ މަގުގައި ހުންނަ ކޭއެފްސީގެ ބިއްލޫރިގަޑެއް އަނެއްކާވެސް ތަޅާލައިފިއެވެ.
ފުލުހުން މިއަދު ކޭއެފްސީގެ ބިއްލޫރިގަޑު ރޭ 4:32 ހާއިރު އަމީނީމަގުގެ ކޭއެފްސީގެ ބިއްލޫރިގަނޑު ތަޅާލާފައިވާ މައްސަލަ ފުލުހުންނަށް ރިޕޯޓު ކޮށްފައިވާ ކަމަށާއި، އެ މައްސަލައިގައި އަދި މީހަކު ހައްޔަރު ނުކުރާ ކަމަށެވެ.
މާލޭގައި ހުންނަ ކޭއެފްސީ ރެސްޓޯރަންޓްގެ ބިއްލޫރި ގަނޑެއް މިމަހު 16 ވަނަ ދުވަހުވެސް ވަނީ ތަޅާލާފައެވެ. ބެލެވޭ ގޮތުގައި ބިއްލޫރި ގަނޑު ތަޅާލާފައިވަނީ ކޮންމެވެސް އެއްޗެއް އެއްލައިގެންނެވެ.
އެ ފަހަރު ތަޅާލާފައިވަނީ އަމިނީމަގުން އިރުމަތީ އޮންނަ ޕާކިން ޒޯނާ ދިމާލަށް ހުންނަ ފަޅީގެ ތިން ބިއްލޫރި ގަނޑެވެ. މީގެ ކުރިން ތަޅާލީ ޕާކިން ޒޯނާ ދިމާލަށް ކަންމައްޗަށް ހުންނަ ބައިގެ ދެ ބިއްލޫރިގަނޑެވެ.
އިޒްރާއީލުން ފަލަސްތީނުގެ ގާޒާއަށް ދެމުން ގެންދާ ހަމަލާތަކާއި ގުޅިގެން ބަޔަކު އަންނަނީ މާލޭގައި ހުންނަ ކޭއެފްސީ ކައިރިއަށް އެއްވެ ނުރުހުން ފާޅުކުރަމުންނެވެ. ކޭއެފްސީގެ ވިޔަފާރިން އިޒްރާއީލަށް އެހިވާކަމަށް ބުނެ އަޑު އުފުލާ މީހުން އަންނަނީ އެތަން ބަންދުކުރުމަށް ގޮވާލަމުންނެވެ.
ކޮމެންޓު ފޮނުވާ