ކުރިއަށް އޮތް ރޯދަމަހާއި ދިމާކޮށް އެސްޓީއޯއިން ވިއްކާ ފިޔާ އަގުހެޔޮ ކޮށްފިއެވެ.
އެސްޓީއޯއިން ހާމަކޮށްފައިވާ ގޮތުގައި، ފިޔާކިލޯއެއް މިހާރު ވިއްކަމުން އަންނަނީ 17 ރުފިޔާއަށް ކަމުގައެވެ. މީގެކުރިން ފިޔާ ކިލޯއެއް ވިކައްމުން އައީ 20 ރުފިޔާއަށެވެ. އަދި މީގެ ކުރިން 450 ރުފިޔާއަށް ވިއްކި ފިޔާ ބަސްތާއެއް މިހާރު ވިއްކާ އަގަކީ 320 ރުފިޔާއެވެ.
މީގެޖުރިން، ގަޑުކޮށް 5 ބަސްތާ ފިޔާ ނަގާފަރާތްތަކަށް ބަސްތާއެއް 400 ރުފިޔާއަށް ވިއްކި ނަމަވެސް، މިހާރު 10 ބަސްތާ ނަގާ ފަރާތްތަކަށް ބަސްތާއެއް ވިއްކާ އަގަކީ 310 ރުފިޔާއެވެ. 20 ބަސްތާ ނަގާނަމަ ބަސްތާއެއް 300 ރުފިޔާއަށް ވިއްކާގޮތަށް ވަނީ ހަމަޖައްސާފައެވެ.
ފިޔާއަގު އެންމެ ބޮޑުވެގެން ދިޔައީ ފާއިތުވި ޑިސެމްބަރުމަހުއެވެ. އޭރު ބަސްތާއެއްގެ އަގު 500 ރުފިޔާއަށްވެސް އަރައިގެން ދިޔައެވެ. އަދި ބައެއް ފިހާރަތަކުން 800 ރުފިޔާއާއި 900 ރުފިޔާއަށްވެސް ފިޔާ ބަސްތާއެއް ވިއްކާފައި ވެއެވެ.
