ރޯދަމަހަށް ހާއްސަކޮށް އެސްޓީއޯގެ ފިހާރަތަކުގައި ކުރިއަށް ގެންދާ "ރަމަޟާން ބާޒާރު" ޕްރޮމޯޝަން އެސްޓީއޯ ކޮންސްޓްރަކްޝަން ސޮލިއުޝަންސް ފިހާރަތަކުން ފަށައިފި އެވެ.
މި ބާޒާރުގައި ބައިވެރިވާ ފިހާރަތަކުގެ ތެރޭގައި މަކިޓާ ޝޯރޫމާއި އެސްޓީއޯ ކޮންސްޓްރަކްޝަން ސޮލިއުޝަން ޝޯރޫމް (ނިޕޯން ޕެއިންޓް ޝޮޕް) އަދި ލ. ފޮނަދޫގައި ހުންނަ ފިހާރަ ހިމެނެ އެވެ.
މި ޕްރޮމޯޝަންގައި ހޭދަކުރާ ކޮންމެ 1000 ރުފިޔާއަކަށް ކަސްޓަމަރުންނަށް ޑިޖިޓަލް ކޫޕަނެއް ލިބި، ތަފާތު އުފެއްދުންތަކުން 50 ޕަސެންޓާ ހަމައަށް ޑިސްކައުންޓް ލިބޭނެ އެވެ. މި ފިހާރަތަކުން ކުރިއަށްގެންދާ ޕްރޮމޯޝަންގެ އެއްވަނަ އިނާމެއްގެ ގޮތުގައި އެސްޓީއޯ ކޮންސްޓްރަކްޝަން ސޮލިއުޝަންސްގެ 50،000 ރުފިޔާގެ ގިފްޓް ވައުޗަރެއް ވަނީ ހުށަހަޅާފައެވެ.
މީގެ އިތުރުން އެސްޓީއޯގެ ކޮންސްޓްރަކްޝަން ސޮލިއުޝަންސް އައުޓްލެޓްތަކުން އިތުރު ހަ މީހަކަށް 5،000 ރުފިޔާގެ އުފެއްދުންތައް ހަދިޔާ ކުރުމަށް ވަނީ ހަމަޖެހިފައެވެ. އޭގެ ތެރޭގައި ކޮންސްޓްރަކްޝަން މަސައްކަތްތަކުގައި އާންމުކޮށް ބޭނުންކުރާ ސިމެންތި، ހިލަ، ވެލި އަދި ނިޕޯން ޕެއިންޓް ފަދަ އުފެއްދުންތައް ހިމެނެ އެވެ.
މި ޕްރޮމޯޝަން ކުރިއަށްދާނީ އޭޕްރީލް މަހުގެ 11 ވަނަ ދުވަހުގެ ނިޔަލަށެވެ. އެސްޓީއޯ އިން ވަނީ މިދިޔަ މަހު ވެސް އެސްޓީއޯ ޕީޕަލްސް ޗޮއިސްގައި ރަމަޟާން ބާޒާރު ޕްރޮމޯޝަން ފަށައިފަ އެވެ.
