2017 ވަނަ އަހަރުގެ މިސް ވޯލްޑް ގެ ތާޖު ހާސިލު ކުރި މަނޫޝީ ޗިލާރުގެ ފުރަތަމަ ތެލެގޫ ފިލްމު "އޮޕަރޭޝަން ވެލަންޓައިން" ރިލީޒް ކުރާ ތާރީހް އިއުލާން ކޮށްފިއެވެ.
މި ފިލްމް ރިލީޒް ކުުރުމަށް ތާވަލު ކޮށްފައިވަނީ އަންނަ އަހަރުގެ ފެބްރުއަރީ 16 އަށެވެ. ހަގީގީ ހާދިސާތަކަކަށް ބިނާކޮށް ހަދާފައިވާ މި ފިލްމް ގައި މަނޫޝީ އާއި އެކުގައި ފެނިގެންދާނީ ޓެލުގޫ ފިލްމް ތަކުން މަގުބޫލު ކަން ހޯދިއިފައިވާ އެކްޓަރު ވަރުން ތޭޖް އެވެ. މީ މި ދެތަރިން އެކުގައި ކުޅޭ ފުރަތަމަ ފިލްމްއެވެ.
ހިންދީ ބަހުން ވެސް ގެނެސްދޭން ހަމަޖެހިފައިވާ "އޮޕަރޭޝަން ވެލަންޓައިން" ގައި މަނޫޝީ އާއި ވަރޫން ވެސް ކުޅެފައި ވަނީ ވައިގެ އަސްކަރިއްޔާގެ ޕައިލެޓުންގެ ރޯލެވެ. މީގެ ޑައިރެކްޓަރަކީ އަލަށް ޑައިރެކްޝަނަށް ނުކުތް ޝަކްތީ ޕްރަތާބް ސިންގް ހާޑާ އެވެ.
26 އަހަރުގެ ރީތީގެ ރާނީގެ ފުރަތަމަ މި ފިލްމަކީ މިދިޔަ އަހަރުގެ ޖޫންގައި ރިލީޒްކުރި އަކްޝޭ ކުމާރުގެ ތާރީހީ ހަނގުރާމަ ފިލްމު "ސަމްރާޓް ޕްރިތުވީރާޖް" އެވެ. ނަމަވެސް ފިލްމް އަށް އުންމީދު ކުރިވަރުގެ ކާމިޔާބެއް ލިބިފައިއެއް ނުވެއެވެ.
