ބޮލީވުޑްގެ ލެޖެންޑަރީ ތަރި އަމީތާބް ބައްޗަން، ސޮނީ ޓީވީގެ "ކޯން ބަނޭގާ ކްރޯޑްޕަތީ"ގެ 18 ވަނަ ސީޒަނުގެ ޝޫޓިންގެ ތެރޭގައި ކައްސާލައިގެން ވެއްޓި، ވާތް ކަކުލަށް އަނިޔާވެއްޖެ އެވެ.
83 އަހަރުގެ އަމީތާބް މި ހާދިސާގެ ތަފްސީލު ހާމަކުރީ ޝޯގެ އެންމެ ފަހުގެ އެޕިސޯޑުގަ އެވެ. އާދައިގެ ގޮތުން ކޮޅަށް ހުރެގެން ޝޯ ފަށާ އަމީތާބް، މިފަހަރު ޝޯ ފެށީ ގޮނޑީގައި އިށީނދެގެންނެވެ. ކޮޅަށް ހުރުމަށް ދަތިތަކެއް ހުރުމުން އެގޮތަށް ނިންމީ ކަމަށް އޭނާ ބުންޏެވެ.
އޯޑިއަންސްގައި ތިބި މީހުން ކަންބޮޑުވުން ފާޅުކުރި ނަމަވެސް، އަނިޔާއަކީ ބޮޑު ކަމެއް ނޫން ކަމަށް އަމީތާބް ބުންޏެވެ. ބައިވެރިންނަށް މަރުހަބާ ކިޔުމަށް ކޮޅަށް ތެދުވާނެ ކަމަށްވެސް އޭނާ ބުނެފައިވެއެވެ.
މި ޚަބަރާ ގުޅިގެން، އަމީތާބަށް އަވަސް ޝިފާ ލިބުމަށް އެދި ފޭނުން ހެޔޮއެދުންތައް ފޮނުވަމުން ދެއެވެ.
ކޮމެންޓު ފޮނުވާ