ޤާނޫނީ ހަމަތަކުގެ މަތިން އަމާންކަމާއި އޮމާންކަމާ އެކު ވެރިކަން ބަދަލުވި ފުރަތަމަ ފަހަރަކީ މިފަހަރު ނޫންކަމަށް ވިދާޅުވެ މިސަރުކާރުގެ ކޯލިޝަންގައި ހިމެނޭ ކުރީގެ ރައިސް މައުމޫން ޢަބްދުލްޤައްޔޫމް، ރައްދު ދެއްވައިފިއެވެ.
މިއަދު ފާހަގަކުރާ ޖުމްހޫރީ ދުވަހުގެ މުނާސަބަތުގައި ޤައުމާ މުޚާޠަބުކުރައްވާ ރައީސް ޞާލިޙް މިއަދު ވަނ ީގިނަ ޕާޓީ އެކުލެވޭ ސިޔާސީ ނިޒާމަށް ރާއްޖެ ބަދަލުވި ފަހުން އޮމާންކަމާއެކު ވެރިކަން ބަދަލުވުމުގެ މަރުޙަލާ ހިނގަމުން މިދަނީ ހަމައެކަނި މިފަހަރުކަމަށެވެ. މީގެކުރިން އެކަން ހިނގާފައި އޮތީ ވޯޓުން ނުވިއްޔާ، ކޯޓުން ނުވަތަ މަގުމަތިންކަމަށް އެމަނިކުފާނު ވިދާޅުވިއެވެ.
އެ ވާހަކަފުޅައް ރައްދު ދެއްވަމުން ރައީސް މައުމޫން ވިދާޅުވީ އޮމާންކަމާއެކު ވެރިކަމުގެ މަރުހަލާ ބަދަލުވާ މިއީ ފުރަތަމަފަހަރު ނޫންކަމަށެވެ.
– ރައީސް މައުމޫން ވިދާޅުވިއެވެ.
ރައީސް މިއަދު ދެއްވި ޚިޠާބުގައި ވިދާޅުވީ، ކުރިއަށް އޮތްތަނުގައިވެސް ރާއްޖޭގައި އޮންނަ ރިޔާސީ އިންތިޚާބުތަކާއި، ވެރިކަން ބަދަލުވެގެންދިޔުން މިގޮތުގައި ހިނގަމުންދާތަން ދިވެހިރައްޔިތުން ދެކޭހިތްވާނެކަމަށެވެ. މި ހޯދުނު ކާމިޔާބީތައް ހިފަހައްޓައި، ދަމަހައްޓައި، ޤައުމުގައި އެކަން އަށަގެންނެވުމަކީ، ދެން އަންނަ ހުރިހާ ސަރުކާރުތަކާއި ވެރިންގެ މަސްއޫލިއްޔަތެއްކަމަށްވެސް ރައީސްގެ ޚިޠާބުގައި ވިދާޅުވިއެވެ.
