ވެރިކަމުގެ ނިޒާމުގެ ވޯޓަކަށް ގޮސްފިނަމަ، ރިޔާސީ ނިޒާމު ބޭއްވުމަށް ޢަމަލީގޮތުން މަސައްކަތްކުރައްވާނެކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞަލިޙް ވިދާޅުވެއްޖެއެވެ.
ޢިމާދުއްދީން ސްކޫލްގައި މިހާރު ކުރިއަށްދާ އެމްޑީޕީގެ ޤައުމީ މަޖިލީހުގެ ޖަލްސާގައި ވާހަކަފުޅު ދައްކަވަމުން ރައީސް ޞާލިޙް ވިދާޅުވި، ރާއްޖެއަށް އެންމެ ފައިދާވާ ނިޒާމަކީ ރިޔާސީ ނިޒާމުކަމަށެވެ. އެމަނިކުފާނުގެ ތާޢީދު އޮތީވެސް ރިޔާސީ ނިޒާމަށްކަމަށާއި، އެފަދަ ވޯޓަކަށް ގޮސްފިނަމަ، ރިޔާސީ ނިޒާމު ބޭއްވުމަށް ޢަމަލީގޮތުން މަސައްކަތްކުރައްވާނެކަމަށެވެ.
ރައީސްގެ އިތުރުންވެސް، ޤައުމީ މަޖިލީހުގައި ވާހަކަދެއްކި ދައުލަތުގެ އެހެން ބައެއް ވަޒީރުންވެސް ވަނީ ރިޔާސީ ނިޒާމު ބާއްވަން ތާޢީދުކުރާކަމަށް ވާހަކަ ދައްކާފައެވެ. މިއީ ރައްޔިތުންގެ ގޮތް ނިންމުމަށް އެންމެ އެކަށީގެންވާ ނިޒާމުކަމަށްވެސް ވަޒީރުން ވިދާޅުވިއެވެ.
އަދި ރިޔާސީ ނިޒާމުގައި ދަ ޑިމޮކްރަސީން އިބޫ ނޫންގޮތެއް ކިޔަމުންދިޔައިރު، އެޕާޓިގެ ސްޓޭންޑްވެސް އޮތީ ބަރުލަމާނީ ނޫންގޮތެއްކަމަށްވެސް ބައެއް ބޭފުޅުން ވިދާޅުވިއެވެ.
ރާއްޖޭގެ ވެރިކަމުގެ ނިޒާމު ބަދަލުކުރުމާ މެދު ރައްޔިތުންގެ ފެންނަ ނުފެންނަ ވޯޓެއް ނަގަން ގޮވާލައި ރައްޔިތުންގެ މަޖިލީހަށް ހުށަހަޅާފައިވާ ގަރާރު، ރައްޔިތުންގެ މަޖިލިހުން ފާސްކޮށްފައި ވަނީ މިދިޔަ މަހުގެ 20 ގައެވެ. އެ ގަރާރު މަޖިލިހަށް ހުށަހެޅުއްވީ ހުޅުދޫ ދާއިރާގެ މެމްބަރު އިލްޔާސް ލަބީބެވެ.
މި ގަރާރުގައި ގޮވައިލާފައި ވަނީ، މި މަހުގެ 30 ގެ ކުރިން ރާއްޖޭގައި އޮންނަންވީ ވެރިކަމުގެ ނިޒާމާމެދު ރައްޔިތުންގެ ހިޔާލު ހޯދަން އާންމު ވޯޓަކަށް ދާން މަޖިލީހުން ނިންމައި، އެކަމުގެ އިންތިޒާމު ހަމަޖައްސައި އިލެކްޝަންސް ކޮމިޝަންގައި އެދުމަށް މަޖިލީހުން އިގްރާރުވުމަށެވެ.
އެ ގަރާރު ފާސްކޮށްފައިވީ ނަމަވެސް، ރައްޔިތުން ކައިރިން އަހަންވީ ސީދާ ސުވާލު ސާފުކޮށްދޭން އިލެކްޝަންސް ކޮމިޝަން (އީސީ) އިން ވަނީ ރައްޔިތުންގެ މަޖިލިހުގައި އެދިފައެވެ. އަދި އެކަމަށް ބޭނުންވާ ބަޖެޓާއި ރައްޔިތުން ހޭލުންތެރި ކުރުވަން އިތުރު ވަގުތު ދޭން ކޮމިޝަނުން އެދިފައިވެއެވެ. އެގޮތަށް އެދިފައި އޮއްވައި އީސީން މިއަދު ބުނީ ނިޒާމީ ވޯޓާ ގުޅޭ ގޮތުން މި މަހު ވޯޓަށް އެހުމުގެ އެއްވެސް ފުރުސަތެއް މިހާރު ނެތް ކަމަށެވެ.
އިންތިހާބު ނާކާމިޔާބު ވުމަށްފަހު، އެމްޑީޕީގެ އިސް ބޭފުޅުން މިހާރު ގެންދަވަނީ ނިޒާމު ބަދަލު ކުރަން ނުފެންނަ ކަމަށް ވިދާޅުވަމުންނެވެ. އަދި ރައީސް އިބްރާހިމް މުހައްމަދު ސޯލިހު ވެސް އިއްޔެ ވިދާޅުވީ އެމަނިކުފާނު ވެސް ތާއީދު ކުރައްވަނީ ރިޔާސީ ނިޒާމަކަށް ކަމަށެވެ
One Response
ކުރުކޮށް ބުނާނަމަ, ގައުމަށް އެންމެ މޮޅުވެފައި ރަގަޅުވާނީ ނަޝީދު ބުނާގޮތް ނޫން އަނެއް ގޮތެވެ. ހަމަ ގައިމުވެސް އަެނައެއް ދިވެހިރާއްޖް އަށް ނޫނީ އިސްލާމް ދީނަށް ހެވެއް ނޭދޭނެއެވެ.