ރައްޔިތުން މަޖިލީހުގެ މަތިވެރި ދާއިރާގެ އެމްޑީޕީ މެންބަރު ހަސަން ޒަރީރަށް ހަމަލާދީ އަވަހާރަކޮށްލަން އުޅުނު މައްސަލައިގައި ހޯދަމުންދާ އެމްޑީޕީގެ ގައުމީ މަޖިލީހުގެ މެންބަރެއް ކަމަށްވާ ކ. މާލެ/ މއ. ނައިޓްވިލާ، އިބްރާހީމް (ގައްބަރޭ) ޝަރީއަތް ނިމެންދެން ބަންދުގައި ބަހައްޓަން ކްރިމިނަލް ކޯޓުން އަމުރުކޮށްފިއެވެ.
ކެފޭއެއްގެ ތެރޭގައި މެމްބަރު ޒަރީރުގެ ބޮލަށް ހަމަލާދިން މައްސަލާގައި އެމްޑީޕީގެ ގައުމީ މަޖިލީހުގެ މެމްބަރެއް ކަމަށްވާ ގައްބަރޭ އާއި އިތުރު ދެ މީހަކު ހައްޔަރު ކޮށްފައި ވަނިކޮށް އެ މީހުން ދޫކޮށްލަން ކްރިމިނަލް ކޯޓުން ނިންމީ ޝަރުތުތަކެއް ކުރުމަށްފަހުއެވެ.
އެ މައްސަލަ ދައުލަތުން އިސްތިއުނާފް ކުރުމުން ހައި ކޯޓުން ކުރި ހުކުމުގައިވަނީ ގައްބަރޭ އާއި ދެން ތިބި ދެ މީހުން ދޫކޮށްލަން ކްރިމިނަލް ކޯޓުން ނިންމީ ގާނޫނާ ހިލާފަށް ކަމަށެވެ. އެ މައްސަލަ ހައިކޯޓުގައި އިސްތިއުނާފު ކުރިއެވެ.
އޭގެ ފަހުން މި މައްސަލާގައި އަލުން ގައްބަރޭ އިއްޔެ ހައްޔަރު ކުރިއިރު، އޭނާގެ ބަންދުގެ މުއްދަތު ޖަހަން މިއަދު ކޯޓަށް ހާޒިރު ކުރުމުން ތަހުގީގީ މަރުހަލާ އަދި ޝަރީއަތް ނިމެންދެން ހައްޔަރު ކުރުމަށް އަމުރުކޮށްފައި ވެއެވެ.
އޭނާ ބަންދުގައި ބަހައްޓާފައި ވަނީ ބިރުދެއްކުމާއި ނުރައްކާތެރި ހަތިޔާރާއި ތޫނު އެެއްޗެހި ގެންގުޅުން މަނާ ކުރާ ގާނޫނަށް އިއާޔަޔް ކުރުމަށް ފަހުއެވެ. އަދި އޭނާއަކީ ކުށުގެ ރެކޯޑް އޮންނަ ފަރާތެއް ކަމަށްވެސް ބުނެފައި ވެއެވެ.
