ރައްޔިތުންގެ މަޖިލިސް ކުރިއަށް ނުގެންދެވޭނެހެން އަޅުވާފައިވާ މަރު ތަޅު ނައްޓާނެ ނިސްވުމާއި، އުކުޅު އެމްޑީޕީގެ ޕާލިމަންޓްރީ ގްރޫޕްގެ ލީޑަރު މުހައްމަދު އަސްލަމްގެ ކިބާގައި ހުންނާނެކަމަށް ރައްޔިތުންގެ މަޖިލީހުގެ ހުޅުމާލެ ދާއިރާގެ މެމްބަރު އަލީ ނިޔާޒު ވިދާޅުވެއްޖެއެވެ.

އަލީ ނިޔާޒު މިހެން ވިދާޅުވީ ރައްޔިތުންގެ މަޖިލީހުގެ ގަވައިދު އޮތީ މަސައްކަތްތައް ހުއްޓި މަޖިލިސް ޑެޑްލޮކަށް ދާ ގޮތަކަށް ނޫން ކަމަށާއި މަޖިލިސް އަދިވެސް ކުރިޔަށް ގެންދެވޭނެ ކަމަށް އަސްލަމް ވިދާޅުވި ވާހަތަކާއި ގުޅިގެން މެމްބަރު އިމްތިޔާޒު ކުރެެއްވި ތުވީޓާއި ގުޅިގެން ކުރެއްވި ޓުވީޓެއްގައެވެ.

އަސްލަމް ވިދާޅުވެފައިވަނީ މަޖިލިސް ޑެޑްލޮކަކަށް ގެންދަން ބޭނުން ނުވާ ކަމަށާއި އަންނަ ހޯމަ ދުވަހުގެ ޖަލްސާ ގަވައިދާ އެއްގޮތަށް ބޭއްވޭނެ ކަމަށެވެ. ރައީސާއި ނައިބު ރައީސް ބައިވެރިވެވަޑައިނުގެންނެވޭ ހާލަތެއްގައި ދެން އަމަލު ކުރަންވީ ގޮތް ވެސް ބަޔާން ކޮށްފައިވާ ކަމަށް އަސްލަމް ވިދާޅުވިއެވެ.

އަސްލަމްގެ ވާހަތަކާއި ގުޅިގެން އިންތި ވަނީ މަޖިލީހުގެ ގަވާއިދުގެ މާއްދާއަކާއިއެކު މަޖިލިސްގެ މިހާރު އޮތް ގޮތުން އޮތީ މަރުތަޅު އެޅުުވޭ ހާލަތެއްގައި ކަމަށް ވިދާޅުވެފައެވެ.

އަސްލަމް ތިޔަހެން އަދި ވިދާޅުވިއެއްކަމަކު ގަވާއިދު އޮތީ ހަމަ ސީދާ މަރުތަޅުއެޅޭ ގޮތަށް. އިންތި ވިދާޅުވިއެވެ.

އިންތިގެ ވާހަތަކާއި ގުޅިގެން އަލީ ނިޔާޒު ވިދާޅުވީ މަޖިލީހުގެ މަސައްކަތްތައް ހުއްޓުވައި މަޖިލިސް ކުރިއަށް ނުގެންދެވޭނެހެން މަރު ތަޅު އެޅުވާފައި ނުބޭއްވޭނެ ކަމަށެވެ. މަޖިލީހުގެ މަސައްކަތް ފެށުމަށް މިކަމުން ދެން ޢަމަލު ކުރަންވީ ގޮތްވެސް މަޖިލީހުގެ މެޖޯރިޓީ ލީޑަރު އަސްލަމަށް ސާފުކަމަށް ނިޔާޒު ވިދާޅުވިއެވެ.

ގަސްތުގާ ބަޔަކު މަޖިލިސް މަރުތަޅު އަޅުވައިގެން ކަމަށްބުނެ މަޖިލިސް ހުއްޓުވާފަ އޮންނަ އޮތުމަށް ހައްލު ހޯދޭނެ ވިސްނުމާއި އުކުޅު އަސްލަމްގެ ކިބައިގާ ހުންނާނެ ކަމާމެދު އެއްވެސް ޝައްކެއް ނެތް! އަސްލަމް އަކީ ތަޖުރިބާކާރު ވިސްނުން ތޫނު ޕޮލިޓީޝަންއެއް!

– ނިޔާޒު ވިދާޅުވިއެވެ.

ގަސްތުގާ ބަޔަކު މަޖްލިސް މަރުތަޅުއަޅުވައިގެން ކަމަށްބުނެ މަޖްލިސް ހުއްޓުވާފަ އޮންނަ އޮތުމަށް ހައްލު ހޯދޭނެ ވިސްނުމާއި އުކުޅު އަސްލަމްގެ ކިބައިގާ ހުންނާނެ ކަމާމެދު އެއްވެސް ޝައްކެއް ނެތް! އަސްލަމް އަކީ ތަޖުރިބާކާރު ވިސްނުން ތޫނު ޕޮލިޓީޝަންއެއް! https://t.co/rrCdip0TKS

— Ali Niyaz 🎈 (@ali_niya) June 9, 2023

އަސްލަމް ވަނީ މަޖިލީޙުގެ ނައިބް ރައީސްގެ އިތުބާރު ނެތް މައްސަލައިގެ ވަގުތު ކަނޑައެޅޭނެ މަގު ފަހިކޮށްދެއްވުމަށް، މަޖިލީހުގެ ޢާންމު ކޮމިޓީގެ ބައްދަލުވުމެއް ބާއްވައިދިނުމަށްވެސް އަމީން ޢާންމު ނިއުޝާއަށް ގޮވާލާފައެވެ.

މިމައްސަލަ ކުރިއަށް ގެންދަން ޖެހޭ ސަބަބީ އެ މައްސަލައިގެ ނޯޓިސްގެ މުއްދަތު ހަމަވުމަށްފަހު، އެ މައްސަލަ ކުރިއަށް ނުގެންގޮސް، މަޖިލީހުގެ އިތުރު އެއްވެސް މަސައްކަތެއް ނުކުރެވޭނެކަމަށް މަޖިލީހުގެ ގަވާއިދުގައި ބަޔާން ކޮށްފައިވާތީކަމަށްވެސް އަސްލަމް ވިދާޅުވިއެވެ. މަޖިލީހުގެ ދާއިމީ ކޮމިޓީތައް އެކުލަވާނުލެވި ގިނަ ދުވަސްތަކެއް ވަމުންދާއިރު ކޮމިޓީތަކުގައި ހުރި ރައްޔިތުންނާއި ގުޅުންހުރި މަސައްކަތްތައް ނުނިމޭތީ ސަރުކާރުންވެސް ވަނީ ކަންބޮޑުވުން ފާޅުކޮށްފައެވެ.