ދައުލަތުގެ އެންމެ ބޮޑު ވިޔަފާރި ކުންފުނި އެސްޓީއޯގެ ޙިއްސާއަކަށް 77 ރުފިޔާ ބަހަން އެކުންފުނީގެ 22 ވަނަ އަހަރީ އާންމު ޖަލްސާއިން ފާސް ކޮށްފިއެވެ.
ރޭ ހުޅުމާލޭ ސެންޓްރަލް ޕާކުގައި ކުރިޔަށްދިޔަ އަހަރީ އާންމު ޖަލްސާގައި ހިއްސާއަކަށް 77 ރުފިޔާ ބަހަން ފާސް ކޮށްފައިވަނީ ހިއްސާދާރުންގެ މެދުގައި ނެގި ވޯޓަކުންނެވެ.
މިއީ ފާއިތިވެދިޔަ އަހަރާއި އަޅާ ބަލާއިރު 12 ރުފިޔާ އިތުރު އަދަދެކެވެ. ފާއިތުވެދިޔަ އަަހަރު އެސްޓީއޯއިން ހިއްސާއަކަށް ބަހާފައިވަނީ 65 ރުފިޔާއެވެ. އޭގެ ކުރީ އަހަރު ހިއްސާއަކަށް ބަހާފައިވަނީ 60 ރުފިޔާއެވެ.
ރޭގެ ޖަލްސާގައިވަނީ އެކުންފުނީގެ އޮޑިޓަރު އައްޔަންކޮށް އާންމު ހިއްސާދާރުންގެ ތެރެއިން ބޭފުޅަކު ބޯޑަށްވެސް، އާންމު މެމްބަރުންގެ ވޯޓުން އައްޔަން ކޮށްފައެވެ. މިގޮތުން ކުންފުނީގެ އޮޑިޓަރުގެ ގޮތުގައި ފާސްކޮށްފައިވަނީ، ފާއިތުވި 4 އަހަރުވެސް އޮޑިޓަރުގެ ގޮތުގައި އައްޔަން ކޮށްފައިވާ ޕްރައިސް ވޯޓަރ ހައުސް ކޫޕާސްއެވެ.
އާންމު ހިއްސާދާރުންގެ ތެރެއިން ބޯޑަށް އައްޔަން ކޮށްފައިވަނީ މުހައްމަދު އަހްސަން ސަލީމްއެވެ.
