މއ.ބޯގަންވިލާ ގޭގައި މިރޭ އަލިފާނުގެ ޙާދިސާއެއް ހިނގައިފިއެވެ.
އެމްއެންޑީއެފް ވިދާޅުވީ އަލިފާން ރޯވީ އެގޭ ދެވަނަ ފަންގިފިލާގައިކަމަށެވެ. އަލިފާން ރޯވުމާއެކު އެސަރަޙައްދަށް ވަނީ ބޯ ދުންފެތުރިފައެވެ. އެއާއެކު ސަރަޙައްދުގެ ބޮޑު ހިސާބެއްގެ މަގުތަކާއި ގޭގެއަށް ދުމުގެ އަސަރު ފޯރާފައިވެއެވެ.
އެމްއެންޑީއެފުން ވިދާޅުވީ ރޯވި އަލިފާން މާ ގިނައިރުތަކެއް ނުވެ އެމްއެންޑީއެފް ފަޔަރ އެންޑް ރެސްކިއު ސަރވިސް އިން ނިއްވާލާފައިވާކަމަށެވެ. މި ޙާދިސާގެ ރިޕޯޓް އެމްއެންޑީއެފަށް ލިބިފައިވަނީ މިރޭ 23:29 ހާއިރުކަމަށްވެސް އެފަރާތުން ވިދާޅުވެއެވެ.
މއ.ބޯގަންވިލާ ގޭގެ ދެވަނަ ފަންގިފިލާގައި ރޯވި އަލިފާން އެމްއެންޑީއެފް ފަޔަރ އެންޑް ރެސްކިއު ސަރވިސް އިން ނިއްވާލައިފި. މި ޙާދިސާގެ ރިޕޯޓް ލިބިފައިވަނީ މިރޭ 23:29 ހާއިރު
— Maldives National Defence Force (@MNDF_Official) May 6, 2023
ބޯގަންވިލާ ގެއަކީ މިސަރުކާރުގެ އިކޮނޮމިކް މިނިސްޓަރ ފައްޔާޒު އިސްމާޢީލުގެ ޢާއިލީ ގެއެވެ.
