ފައިނޭންޝަލް ކޮންޓްރޯލަރގެ މަޤާމު އުވާލެއްވުމަށްފަހު، އެކައުންޓަންޓް ޖެނެރަލްގެ މަޤާމު އުފައްދަވައި މި މަޤާމަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ބޭފުޅަކު އައްޔަންކުރައްވައިފިއެވެ.
ރައީސުލްޖުމްހޫރިއްޔާ މި މަޤާމަށް އައްޔަންކުރައްވާފައިވަނީ ފައިނޭންޝަލް ކޮންޓްރޯލަރގެ މަޤާމު ފުރުއްވަމުން ގެންދެވި މުޙައްމަދު އާޒާދުއެވެ.
ފިނޭންސް މިނިސްޓްރީން ވިދާޅުވީ މި މަޤާނު އުފައްދަވާފައިވަނީ، ފައިނޭންޝަލް ކޮންޓްރޯލަރގެ މަޤާމު އުވާލެއްވުމަށްފަހުކަމަށެވެ.
އެކައުންޓަންޓް ޖެނެރަލްގެ މަޤާމަކީ މުޅިން އަލަށް އުފެއްދެވި މަޤާމެކެވެ. މި މަޤާމަކީ މާލިއްޔަތު ޤާނޫނަށް ގެނައި އިސްލާހާއެކު، ރައިސުލްޖުމްހޫރިއްޔާއަށް ލިބިދޭ ބާރުގެ ދަށުން އުފެއްދެވި މަޤާމެކެވެ.
އެކައުންޓަންޓް ޖެނެރަލްގެ މަސްޢޫލިއްޔަތުގެ ތެރޭގައިި ދަޢުލަތުގެ ފައިސާއާއި ހިސާބުތައް އަދި ހިސާބުތަކާގުޅޭ ލިޔެކިޔުންތައް ހިންގާ ބެލެހެއްޓުން ހިމެނެއެވެ.
