ގދ.ފަރެސްމާތޮޑާ އެއާޕޯޓް ފަރުމާކޮށްފައިވާ ޑިސައިންގެ ރީތިކަން ފާހަގަކޮށް ކުރީގެ ރައީސް މުހައްމަދު ނަޝީދުގެ ތައުރީފް މިއެއާޕޯޓްގެ މަސައްކަތް ފެއްޓެވި ކުރީގެ ރައީސް ޔާމީނަށް ކުރައްވައިފިއެވެ.
މިސަރުކާރުގެ ތަރައްޤީގެ މަޝްރޫޢުތަކުގެތެރެއިން ވަރަށްބޮޑު ކާމިޔާބީއެއްގެ ގޮތުގައި، ހަވާއެރުވުމުގެ ކުލަގަދަ ރަސްމިއްޔާތެއްގައި ހުޅުވި ފަރެސް މާތޮޑާ އެއާޕޯޓުގެ ކްރެޑިޓް ލިބެންވީ ބޭފުޅަކާއިމެދު މަޖިލީހުގެ ވަޓްސްއަޕް ގުރޫޕްގައި ޕީޕީއެމް މެމްބަރުންނާއި އެމްޑީޕީ މެމްބަރުން ކުރެއްވި ބަހުސްގެ ތެރެއަށް ވަންނަވައި މަޖިލިސް ރައީސް މުހައްމަދު ނަޝީދު ވިދާޅުވީ ފަރެސްމާތޮޑާ އެއާޕޯޓް ފަރުމާކޮށްފައިވާ ގޮތަށް ބަލާއިރު އެތަނުގެ ފުރިހަމަކަން ވަރަށް ބޮޑަށް ފެނިގެންދާކަމަށެވެ.
ރައީސް ޔާމީންގެ ވެރިކަމުގައި އެމަނިކުފާނު ތަރައްޤީ ކުރެއްވި އެއާޕޯޓްތަކުގެ ޑިޒައިންތަކުން ފެނިގެންދަނީ ވަރަށް ރީތި ހިތްގައިމު ކަމެއްކަން ފާހަގަކޮށް ނަޝީދު ވިދާޅުވީ އެރީތިކަން ވެލާނާ އެއާޕޯޓުންވެސް ފެންނަމުންދާކަމަށެވެ.
ރައީސް ޔާމީންގެ އެއާޕޯޓް ޑިސައިންތައް ވަރަށް ރީތި. ވެލާނާ އެއާޕޯޓްވެސް ކޮންމެވެސް ވަރަކަށް އެބަފެނޭ.
– ރައީސް ނަޝީދު ވިދާޅުވިއެވެ.
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ޝަރަފްވެރިކޮށްދެއްވި ފަރެސްމާތޮޑާ އެއާޕޯޓް ހުޅުވުމުގެ ރަސްމިއްޔާތުގައި ފަރެސް މާތޮޑާ ކައުންސިލްގެ ރައީސް ވިދާޅުވީ، އެރަށުގައި އެއަރޕޯޓެއް ހައްދަވަން ނިންމަވައި އެކަން ޢިއުލާންކުރައްވައި އެމަސައްކަތް ފެއްޓެވީ ކުރީގެ ރައީސް ޔާމީނުކަމަށެވެ. އަދި އެމަޝްރޫޢު ހަޤީޤަތަކަށް ހައްދަވައި އެއާޕޯޓު ގެންނެވުމަށް ދާއިރާގެ މެމްބަރު ޙުސައިން މުޙައްމަދު ލަޠީފު ކުރެއްވި ބުރަ މަސައްކަތް ދާއިރާއާއި އެރަޑުގެ ރައްޔިތުން ބަލައިގަންނަކަމަށެވެ. އެހެންކަމުން ރައީސް ޔާމީނާއި މެމްބަރު ޙުސައިންއަށް ޝުކުރު އަދާކުރާކަމަށްވެސް ކައުންސިލް ރައީސް ވިދާޅުވިއެވެ.
ފަރެސްމާތޮޑާ އެއާޕޯޓު ތަރައްޤީކުރަން ނިންމަވައި އެކަމަށްޓަކައި ބިން ހިއްކަން ފެއްޓެވީ ކުރީގެ ރައީސް ޔާމީންގެ ވެރިކަމުގެ ދުވަސްވަރުއެވެ. ބިން ހިއްކައި މުޅިން ނިންމާލާފައި ވަނީ 2019ވަނަ އަހަރުގެ އޯގަސްޓް މަހުއެވެ. ބިން ހިއްކުމުގެ މަސައްކަތްކޮށްފައި ވަނީ މޯލްޑިވްސް ޓްރާންސްޕޯޓް ކޮންޓްރެކްޓިން ކޮމްޕެނީ (އެމްޓީސީސީ) އިންނެވެ. އޭރުވެސް އޮތީ 1.2 ކިލޯ މީޓަރުގެ ދިގު ރަންވޭ އަކާއި އޭޕްރަންއެއް އަދި ޕެސެންޖަރު ޓާމިނަލަކާއެކު ފަރެސްމާތޮޑާ އެއާޕޯޓުގެ މަޝްރުޢު ޢިއުލާންކޮށްފައެވެ.
One Response
އަރެން ނަކަށް ހާލި ހަދާކަށް ނޭނގޭ، ހާލިހެދުމުގެ ގާބިލްކަމެއްވެސް އަހަރެންގެ ނެތް، އަހަރެން އަބަދުވެސް ބަލަނީ ކާޅު ހާލިހަދާތޯ، އަބަދުވެސް އަހަރެން ފާރަލާލާ މި ހުންނަނީ ކާޅަށް ހާލިހަދަނީ ކޮންކޮން ތަނެއްގާތޯ، އަބަދު އެގޮތަށްފާރަލަންޏާ އެނގޭނެ ނޫންތޯ ހާލިހަދާތަންތަން، ދެން އަހަރެންހަދާގޮތަކީ އަވަސް އަވަހަށް، ކާޅަށް ފިލައިގެން އެހާއްޔަކަށް ބިސް އަޅަނީ، ދެން އަހަރެންފަހަތުގާ އުޅޭކޮވެލިތައް ހީކުރަނީ، ހަމަ އަހަރެން ހާދަމޮޅޭ، އެކަމު އެއީ އަހަރެންހަދާ ހާއްޔެއްނޫން، އިނގޭތޯ، މީގަ އެންމެ މޮޅުކަމަކީ އަހަރެންނަށް ސަނާކިއާ އަހަރެންގެ ފަހަތުގާއުޅޭ ކޮވެލިބައިގަނޑަށްވެސް އޮޅުވާލެވޭތީ، އެބައިގަނޑުވެސް އެތިބެނީ ހަމަ ބޯކާލާފަ، އެކަމު އެކޮވެލިބައިގަނޑު އެތިބެނީ ހަމަ އަހަރެން އެވަރުކުރާއިރުވެސް އަހަރެންނާމެދު އަރާހިކިފާ، މިހާރުއެކަމަކު ދެން މި ވިސްނަނީ އެބައިގަނޑަށް ފަޅާއަރާދުވަހަކުން އަހަރެންގެ ފަތްތައްނޮޅާލާ ބަރަހަނާކުރަން ވާއިރަށް ހާލިގަނޑު ތަޅާލާފަ ފިލަން ވަންނާނެ ބިޔަ ޖަންގައްޔެއް ފެނޭތޯ.