ސްރީ ލަންކާއަށް ކުރިމަތިވެފައިވާ އިގްތިސާދީ ކާރިސާއިން އަރައި ގަތުމަށްތަކާ، އައިއެމްއެފްއިން އެގައުމަށް ފޯރުކޮށް 2.9 ބިލިއަން ޑޮލަރުގެ މާލީ އެހީތެރިކަން ފޯރުކޮށް ދިނުމުގެ އެންމެ ފަހުގެ މަރުހަލާއާއިހަމައަށް ދެވިފައިވާކަމުގައި ސްރީ ލަންކާގެ ކެބިނެޓްގެ ވަޒީރަކު ވިދާޅުވެއްޖެވެ.
އަދި މީގެ އިތުރުން ސިރީ ލަންކާގެ ސަރުކާރުން އެގައުމުގެ ޗައިނާ ދަރަނި އަލުން މުތާލިއާކޮށް، ބައްޓަން ކުރުމަށް ޗައިނާއިންވެސް މިހާރު އެއްބަސްވެފައިވާކަމަށް ސްރީ ލަންކާގެ ސަރުކާރުގް ސީނިއަރ އޮފިޝަލުން ހާމަ ކޮށްފައި ވެއެވެ.
ސްރީ ކަންކާގެ ރައީސް ރަނިލް ވިކްރަމެސިންގެ އޮފީހުން ހާމަ ކޮށްފައިވާ ގޮތުގައި، ސްރީ ލަންކާގެ ގާނޫނުހަދާ މަޖިލިހަށް މި ހަފްތާގެ އަންގާރަ ދުވަހު ރައީސް ވިކަމްރަމެއްސިންގެ މުހިންމު ބަޔާނެއް އިއްވަވާ ދެއްވާނެއެވެ. އަދި މި ތަގުރީރުގައި، ސްރީ ލަންކާގެ މިވަގުތުގެ އިގްތިސާދީ ހާލަތާއި، އައިއެމްއެފްއާއެކީ ކުރިޔަށްދާ މަޝްވަރާތަކުގެ އެންމެ ފަހުގެ ތަފްސީލުތައް ގާނޫނުހަދާ މަޖިލީހަށް ހާމަކޮށް ދެއްވާނެއެވެ.
ސްރީ ލަންކާގެ 22 މިލިއަންގެ އަބާދީއަށް މިހާރު ކުރިމަތިވެފައިވާ އިގްތިސާދީ ކާރިސާއަކީ ފާއިތުވި 70 އަހަރު ތެރޭގައިވެސް އެގައުމު ތަޖުރިބާ ކުރަންޖެހިފައިވާ އެންމެ ބޮޑު އިގްތިސާދީ ކާރިސާއެވެ.
"ސްރީ ލަންކާއަށް ވަރަށް އަވަހަށް އައިއެމްއެފްއިން ވަރަށް އުފާވެރި ޚަބަރުތަކެއް ލިބިގެން ދާނެ،" ޖޫނިއަރ ފިނޭންސް މިނިސްޓަރ ޝެހާން ސެމަސިންގހެ ގާނޫނުހަދާ މަޖިލިހުގައި ވާހަކަ ދައްކަވަމުން ވިދާޅުވެފައި ވެއެވެ. "އައިއެމްއެފްގެ ޕްރޮގްރާމަކީ، ފާއިތުވެދިޔަ ސެޕްޓެމްބަރުމަހުން ފެށިގެން ވަރަށް ބުރަކޮށް މަސައްކަތް ކޮށްގެން ހާސިލް ކުރެވުނު، ސްރީ ލަންކާއަށް ވަރަށް މުހިންމު ކާމިޔާބީއެއް." އޭނާ ވިދާޅުވިއެވެ.
