ސިޔާސީ ގޮތުން ތިންފަށްވެ، ފަށްކަނޑާނެ ޕާޓީއެއްވެސް ނެތުމުން ދެންޖެހޭނީ ހުރިގޮތުގައި ހުންނަން ކަމުގައި ސަލަފް ޖަމސަލަފް ޖަމިއްޔާގެ ޗީފް މާކެޓިންގ އޮފިސަރ އަދި ސަލަފް ޖަމިއްޔާ އިން ހިންގާ ހަރަކާތްތަކުގައި އިސް ދައުރެއް އަދާކުރާ އަލީ ރަމީޒު ވިދާޅުވެއްޖެއެވެ.
އޭނާ މިހެން ވިދާޅުވީ ސިޔާސީ މައިދާނުގައި ނާކާމިޔާބީއާ ކުރިމަތިލާން ޖެހުމަކީ އިރުއިރުކޮޅާ ގޮތް ބަދަލުކުރަންޖެހޭ ކަމެއް ނޫންކަމަށް ވިދާޅުވެ ޢަދާލަތު ޕާޓީގެ ރައީސް އަދި މިހާރުގެ ހޯމް މިނިސްޓަރ އިމްރާން މިއަދު ކުރެއްވި ޓުވީޓަކަށް އަމާޒުކޮށް ކަމަށްބެލެވެއެވެ. ރިޔާސީ އިންތިޚާބުގައި އިތުރު އެއްވެސް ބަޔަކާއި މަޝްވަރާނުކޮށް އަދާލަތުން ވެރިކަން ކުރާ މައި ޕާޓީ އެމްޑީޕީއާއިއެކު ކޯލިޝަން ހެދުމަށް ވަނީ ނިންމާފައެވެ.
މިއާއިއެކު ގިނަ ދީނީ އިލްމުވެރިންގެ ފާޑުކިޔުން ވަނީ އަދާލަތަށް އަމާޒުވެސް ވެފައެވެ. އަދާލަތު ޕާޓީގެ ރައީސް އިމްރާން މިއަދު ކުރެއްވި ޓުވީޓުގައި ވިދާޅުވީ ސިޔާސީ މަސައްކަތުގައި އިޚްލާސްތެރި ހިތަކާއިގެން އެއް ގޮތެއްގައި ދިގު މުއްދަތަކަށް ދެމިހުރެގެން ނޫނީ ހެޔޮ ނަތީޖާއެއް ނުނެރެވޭނެކަމަށެވެ. އަދި އެކަން ވަރަށް ސާފުކޮށް މިދަނީ ފެންނަމުންކަމަށާ، ނާކާމިޔާބުވުމަކީ އިރުރުކޮޅާ ގޮތް ބަދަލުކުރަވްޖެހޭ ކަމެއްނޫންކަމަށެވެ.
އިމްރާންގެ ވާހަކަތަކާއި ގުޅިގެން އަލީ ރަމީޒު ވިދާޅުވީ ސިޔާސީ ގޮތުން ތިންފަށްވެފައިވާ ޕާޓީއަކާއިއެކު ފަށް ކަނޑާދޭނެ ޕާޓީއެއްވެސް މިއަދު ނެތުމުން ތިމާމެން ތިބި ގޮތުން ނޫންގޮތެއް ނުވެސް ނެތްކަމަށެވެ. ގޮތް ހުސްވުމުން މިއަދު ދައްކާވާހަތަކަކީ ރައްޔިތުންނަށް އޭގެ ހަގީގަތް ނޭގޭ ކަމެއް ނޫންކަމަށްވެސް އަލީ ރަމީޒު ވިދާޅުވިއެވެ.
ސިޔާސީ ގޮތުން ތިންފަށްވެ، ފަށް ކަނޑާނެ ޕާޓީއެއްވެސް ނެތުނީމާ، ދެން ޖެހޭނީ އެއް ގޮތެއްގައި ހުންނަން. ނޯ ޗޮއިސް.
– އަލީ ރަމީޒު ވިދާޅުވިއެވެ.
އަދާލަތު ޕާޓީން ރިޔާސީ އިންތިޚާބަށް 7 މަސް އޮއްވާ އެމްޑީޕީއާއި ކޯލިޝަން ހަދާފައިވާއިރު، އެޕާޓީން ކޯލިޝަން ހެދީ ވަކި ކަންތައްތަކަކަށް އެއްބަސްވެގެން ކަމަށް އަޑުތައް ވަނީ ފެތުރިފައެވެ. އެގޮތުން މަޖިލީހުގެ ބައެއް ދައިރާތަކާއި، ސިޔާސީ ގޮތުން ބާރުވެރި އެކި މަޤާމުތައް ދިނުމަށް ހުށަހަޅާފައިވާކަމަށް ދަނީ އަޑުތައް ފެތުރެމުންނެވެ.
ސިޔާސީ ގޮތުން އަދާލަތަކީ އިންތިޚާބުތަކުގައި މާ ކާމިޔާބު ޕާޓީއެއް ނޫނެވެ. އެޕާޓީގެ ޓިކެޓްގައި މިހާތަނަށް މަޖިލިސްގެ ގޮޑި ފުރުއްވީ އަނާރާ ނައީމް އެކަންޏެވެ.
