ނިސާ ދޭވްގަން އާއި އިބްރާހިމް އަލީ ޚާން އަކީ ބޮލީވުޑް އައު ޖޯޑު ކަމަށް ހަބަރުތަށް ބުނަން ފަށައިފައިއެވެ. މިވާކަ ދެކެވެން ފެށި އިބްރަހިމް އާއި ނިސާގެ މާ ގައިގޯޅި ސެލްފީއެއް ވައިރަލް ވުމާއި އެކުގައިއެވެ.
މިއީ ބޮލީވުޑްގެ އައު ބީއެފްއެފް ކަމަށް ބެލެވޭ މި ދެ ސްޓާކިޑުން އެކުގައި ޕާޓީ ކުރާ މި ފޮޓޯއަށް ބަލާލުމުން ހީވަނީ އެދެމީހުންގެ ގުޅުން އަބަދަށް ދެމިއޮންނާނެ ހެންނެވެ. މި ފްރޭމްގައި އިބްރާހިމް އަލީ ޚާން އޭނާގެ ކިއުޓްނެސް އިން ހިތްތައް ހޯދާއިރު، ނިސާ އޭނާގެ މިލިއަން ޑޮލަރުގެ ހިނިތުންވުން ދައްކާލަ އެވެ.
ނިސާ އާއި އިބްރާހީމަކީ ވެސް ޕާޓީ ކުރާ ހިތްވާ ދެމީހުންނެވެ. މިފަހުން މީޑިއާއިން ނިސާ އަބަދުވެސް ޕާޓީ ކުރުމުގައި އުޅޭ ކަމަށ ްބުނެ ހަބަރު ފަތުރާފައިވެއެވެ. އަދި އެކި އެކި ޕާޓީ ތަކުން ނުކުންނަނިކޮން ޕަޕރާޒީން ވަނި އޭނާގެ ގިން ފޮޓޯ ތަކެއްވެސް ނަގައިފައިއެވެ. މީގެ ތެރޭގައި އޭނާ މަސްތުގެ ހާލުގައި ހުރި ފޮޓޯތަށް ހިމެނޭ ކަމަށްވެސް ވެއެވެ.
ނައިސާ އަކީ އެންމެ މަގުބޫލު ސްޓާ ކިޑްސްގެ ތެރޭގައި ހިމެނޭ ކުއްޖެއް ކަމުން އޭނާ ވަރަށް އަވަހަށް ބޮލީވުޑަށް ނުކުންނާނެ ކަމުގެ އަޑުތައް ވަނީ ގަދަވެފަ އެވެ. އިބްރާހިމް މިހާރު އަންނަނީ ބޮލީވުޑަށް ތައާރަފުވާން ތައްޔާރުވަމުން ނެވެ. އޭނާ ވަރަށް އަވަހަށް ބޮޑު ސްކްރީނުން ފެންނާނެ ކަމަށް ބެލެވއެވެ. ފާހަގަ ކޮށްލެވޭ ކަމަކީ އިބްރަހިމް ބޮލީވުޑް އަށް ތައާރަފްވާ ފިލްމްގެ މުހިންމު ރޯލަކުން ނިސާގެ މަންމަ އަދި އެކްޓްރެސް ކާޖޮލްވެސް ފެންނަކަމެވެ.
View this post on Instagram
މީގެ ދުވަސް ކޮޅެއް ކުރިން އިބްރަހިމްގެ ލޯބިވެރިއާގެ ގޮތުގައި މީޑިއާއިންވަނީ ކުއްޖަކު ތައާރަފް ކޮށްފައިއެވެ. އެެއީ މަޝްހޫރު ބަތަލާ ޝްވޭތާ ތިވާރީގެ ދަރިފުޅު ޕަލަކް ތިވާރީއެވެ. ނަމެވެސް އެމީހުންގެ މެދުގައި އެފަދަ ގުޅުމެއް ނެއް ކަމަށް ބުނެ ޕަލަކް ވާހަކަ ދައްކައިފައިވެއެވެ. އަދި ދެމީހުންނަކީވެސް ވަރަށް ގާތް ދެ ރަހުމަތެރިން ކަމަށް ބުނެފައިއެވެ.
ނަމަވެސް ނޫސްވެރިންގެ ލޮލުގައި އެންމެ ބޮށް އަޅައިގެން އެއް ކަމަކީ އެމީހުން ފޮޓޯ ނަގަން ފެށުމާއި އެކުގައި މޫނު ފޮރުވުމަށް ޕަލަށް ކުރި މަސައްކަތެވެ. އެހެންވެ އެމީހުން ބުނަނީ އެދެމީހުންގެ މެދުގައި ރައްޓެހި ރަހުމަތެރި ކަމަށްވުރެ އޮތް ގުޅުން ބޮޑު ކަމަށެވެ.
މީގެ ދުވަސްކޮޅެއް ކުރިން ނައިސާ އާއި އިބްރާހިމް އެކުގައި ޕާޓީއެއްގައި ބައިވެރިވާތަން ފެނުނުއިރު، އެމީހުން ޕާޓީ އަށް ވަދުމަށް ދިއައީ އަތާއި އަތް ޖޯޑު ކޮށްގެންނެވެ. އެ މީހުންގެ އެކުވެރިކަމަކީ މީޑީއާއަށް މީގެ ކުރިން ތިލަވި ހަބަރެއް ނޫނެވެ. އަދި ދެމީހުން ޕާޓީ ކުރަނިކޮން މީގެ ކުރިން ޕަޕަރާޒީން ގެ ސެންސް ތަކަށްވެސް އަރައިފައިއެއް ނުވެއެވެ.
