ބޮލީވުޑްގެ ހުނަރުވެރި ބަތަލާ ޖާކޮލްގެ އެންމެ ފަހުގެ ފިލްްމް "ސަލާމް ވެންކީ" ޒީ5 އިން ޕްރިމިއާ ކުރާގޮތަށް ނިންމައި އެކަން އިއުލާން ކޮށްފިއެވެ.
މާ ބޮޑު ތަރުހީބެއް ސިނަމާގައި މި ފިލްމް އަށް ލިބިފައިއެއް ނުވެއެވެ. ކުރީގެ މަގުބޫލު ބަތަލާ ކާޖޮލް މިހާރު ފިލްމް ތަކުން ފެންނަލެއް ވަރަށް މަދެވެ. މަޔަކާއި ނުކުޅެދޭ ފިރިހެން ދަރިއެއްގެ ވާހަކަ ކިޔައިދޭނެ މި ފިލްމު ގައި ކާޖޮލް އާއި އެކުގައި ފެނިގެންދާނީ ރަޖީވް ކަންޑެލްވާލާ އާއި އަހާނާ ކުމްރާ، ވިޝާލް ޖެތްވާ އަދި ރާހުލް ބޯސްއެވެ. މީގެ އިތުރުން މި ފިލްމް އިން ހާސަފެނިލުމަކުން އާމިރު ހާން ވެސް ފެނިގެން ދެއެވެ.
View this post on Instagram
"ސަލާމް ވެންކީ" ޑައިރެކްޓްކޮށްފައި ވަނީ ބަތަލާ ރެވަތީ އެވެ. އޭނަ އަކީ ސަލްމާން ޚާންގެ 1990 ގެ ފިލްމު "ލަވް" ގެ ބަތަލާއެވެ. އަދި އޭނާ އަކީ ސައުތު ގެ ފިލްމް އިންޑަސްޓްރީގައި މަގުބޫލު ތަރިއެކެވެ.
48 އަހަރުގެ ކާޖޮލް އެންމެ ފަހުން ފެނިފައި ވަނީ މިދިޔަ އަހަރު ނެޓްފްލިކްސް އިން ޕްރީމިއާކުރި ފިލްމު "ތުރިބާންގާ" އިންނެވެ. މަޝްހޫރު އެކްޓަރު އަޖޭ ދޭވްގަންގެ އަންހެނުން މިހާރު އަންނަނީ ޑިޒްނީ ޕްލަސް ހޮޓްސްޓަރ އިން ދައްކަން ހަމަޖެހިފައިވާ "ދަ ގުޑް ވައިފް" ކިޔާ ސީރީޒެއް ވެސް ކުޅެމުންނެވެ.
