ރާއްޖޭގެ އުތުރަަށް ކުރެއްވި ކެމްޕޭން ދަތުރުފުޅު ރައީސް ސާލިހު ނިންމަވާލައްވައިފިއެވެ. މި ދަތުރުޅުގައި ރައީސް ސާލިހު ވަނީ ތިލަދުންމަތި، މިލަދުންމަޑުލު އުތުރުބުރި އަދި ހައްދުންމަތީގެ ރަށްތަކަށް ޒިޔާރަތް ކުރައްވާފައެވެ.
މިމަހުގެ 28ގައި ބޭއްވުމަށް ހަމަޖެހިފައިވާ އެމްޑީޕީގެ ރިޔާސީ ޕްރައިމަރީގައި ވާދަކުރެއްވުމަށް ރައީސް އުތުރުގެ ރަށްތަކަށް ކުރެއްވި މި ދަތުރުފުޅުގައިވަނީ ތަރައްގީގެ ބައެއް މަޝްރޫއުތައްވެސް އިފްތިތާހު ކޮށްދެއްވާފައެވެ. އޭގެތެރޭގައި ހަނިމާދޫ އިންޓަރނޭޝަނަލް އެއަރޕޯޓުގެ އަމަލީ މަސައްކަތް ފައްޓަވާ ދެއްވުންވެސް ހިމެނެއެވެ.
ކެމްޕޭން ދަތުރުފުޅު ނިންމަވާލެއްވުމަށްފަހު ރައީސް ސާލިހު މިއަދު މާލެ ވަޑައިގެންނެވުމަށްފަހު، މިރޭ މާލޭ އާރޓިފިޝަލް ބީޗް ސަރަހައްދުގައި ބޭއްވުމަށް ހަމަޖެހިފައިވާ ކެމްޕޭންގެ ބޮޑު ޖަލްސާއެއްގައި ބައިވެރިވެވަޑައި ގަންނަވާނެއެވެ.
ކެމްޕެންގައި ރައީސް ސާލިހި މިހާރުވަނީ ރ. ބ. ޅ. ހއ. ހދ ށ. ނ. އަތޮޅަށް ޒިޔާރަތް ކުރައްވާފައެވެ.
ރައިސް ސާލިހުއާއި ރިޔާސީ ޕްރައިމަރީގައި ވާދަ ކުރައްވަމުން ގެންދަވާ އެމްޑީޕީގެ ރައީސް ނަޝީދު މިހާރު ދަތުރު ކުރައްވަމުން ގެންދަވަނީ ހުވަދޫ އޮތޮޅުގެ ރަށްތަކަށެވެ.
