މިހާރު ކުރިޔަށްދާ އެމްޑީޕީގެ ރިޔާސީ ޕްރައިމަރީގެ ކެމްޕޭންގެ މާލޭ ދާއިރާތަކުގެ ކެމްޕޭން ޓީމުތަކާ ރައީސް އިބުރާހިމް މުހައްމަދު ސާލިހު ބައްދަލު ކުރައްވައިފިއެވެ.
މި ބައްދަލު ކުރެއްވު ކުރިޔަށް ގޮސްފައިވަނީ އެމްޑީޕީގެ ދަނޑި ކޮށި ޖަގަހައިގައެވެ.
ރައީސް ސާލިހު މިރޭ، ކެމްޕޭންގެ މާލޭ ދާއިރާތަކުގެ ޓީމްތަކާއި ބައްދަލު ކުރައްވާފައިވާއިރު، ފާއިތުވެދިޔަ 3 ދުވަހު އެމަނިކްފާނު ކެމްޕޭން ކުރައްވާފައިވަނީ، މާލެ ފިޔަވާ ރާއްޖޭގެ އެންމެ ބޮޑު އާބާދީއެއް އޮންނަ އައްޑޫ ސިޓީގައެވެ.
ރައީސް ސާލިހު މިރޭ މާލޭ ދާއިރާގެ ކެމްޕޭން ޓީމުތަކާއި ބައްދަލު ކުރައްވާފަ ވާއިރު، ކެމްޕޭންގަ ވާދަކުރައްވާ ނަޝީދުވަނީ މިރޭ މާލޭގައި އާ ކެމްޕޭން ޖަގަހައެއް ހުޅުވާފައެވެ.
މިޖަގަހަ ތައްޔާރު ކޮށްފައިވަނީ އަމީރުއަހުމަދު މަގުގައި، ދަރުމަވަންތަ ސްކޫލް ކުރިމަތީގައި، ހ، ފޭރުގަސްދިށު ގޭގައެވެ.
އެމްޑީޕީގެ ކުރިޔަށް އޮތް ރިޔާސީ ޕްރައިމަރީގައި އެ ޕާޓީގެ އެންމެ އިސް ދެ ލީޑަރުން ވާދަކުރައްވާއިރު، ދެބޭފުޅުންވެސް ގެނަދަވަނީ ފޯރިއާއެކު ކެމްޕޭން ކުރައްވަމުންނެވެ. ޕްރައިމަރީގެ ވޯޓުލުން ބޭއްވުމަށް ހަމަޖެހިފައިވަނީ މިމަހުގެ 28 ވަނަ ދުވަހުއެވެ.
