ފިލްމް ނުހިނގި ކަމުގަިއ ވިޔަސް އެކްޓަރުން އެމީހުން ނަގާފީ ދުވަހެއް ދުވަހަކަށް ބޮޑު ކުރަމުން އަންނާތީ ބޮލީވުޑް ސިނަމާގެ އެންމެ ނުފޫޒު ގަދައެއް އެއް ޕްރޮޑިއުސަރު / ޑައިރެކްޓަރު ކަރަން ޖޯހަރު ހިތްހަމަ ނުޖެހިގެން އެކަމާއި ވާހަކަ ދައްކައިފައިއެވެ. '
2020 ގެ ކޮވިޑްގެ ބަލިމަޑުކަމަށްފަހު އިންޑަސްޓްރީ އަލުން ހުޅުވައި ފިލްމް ތަށް ރިލިޒް ކުރަމުން އަންނަ އިރުގައި ގިނަ ފިލްމްތަކެއް އަންނަނީ ފްލޮޕްވަމުންނެވެ. އޭގެ ތެރޭގައި ބޮލީވުޑްގެ އޭ ލިސްޓްގެ ތަރިންގެ ފިލްމްތަށްވެސް ހިމެނެވއެވެ.
ކޮވިޑްގެ ސަބަބުން އިންޑަަސްޓްރީ އަށް ލިބުން ގެއްލުމުން އަރައި ނުގަނެވި ވަނިކޮށް އަޅުވާ ފިލްމްތަށް ފުލު ފުލުގައި ފްލޮޕް ވަމުން އަންނާނި މިހާރު ބޮލީވުޑް އޮތީ ބޮޑު ބިރުވެރި ކަމެއްގެ ތެރޭގައިއެވެ.
View this post on Instagram
ދާދިފަހުން އޮންލައިން ޕޯޓަލް އަކަށް ދިން އިންޓަވިއު އެއްގައި ކަރަން ވަނީ ފާއިތުވީ 2022ގައި ރިލީޒްކުރި ގިނަ ފިލްމުތަކެއް ފްލޮޕްވުމާއި އާޓިސްޓުންގެ މުސާރައާ ގުޅޭ ވާހަކަތައް ދައްކާފަ އެވެ. އޭނާ ފާހަގަ ކުރެވެނީ އިންޑަސްޓްރީ އަށް ވަންނަން ބޭނުންވާ ގިނަ އާޓިސްޓުންނަށް އެ ފުރުސަތު ތަނަވަސްކޮށްދޭ މީހެއްގެ ގޮތުގައިއެވެ. އަދި އޭނާގެ ފިލްމް ކުންފުނި ދަރްމާގެ ކުޑައިގެ ދަށުން ގިނަ އަދަދެއްގެ ފިލްމް ކޮންމެ އަހަރަކުވެސް ރިލީޒް ކުރެއެވެ.
ފިލްމްގެ ތަރިން ނަށް ދޭންޖެހޭ މުސާރަ ބޮޑު ވުމުން ފިލްމް ފްލޮޕް ވުމުން އެންމެ ބޮޑު ގެއްލުމެއް ލިބޭ ބަޔަކީ ޕްރޮޑިއުސަރުންކަން ކަރަން ވަނީ ފާހަގަ ކޮށްފައިއެވެ. އެގޮތުން ފިލްމް ރިލީޒްކުރާ ދުވަހު (އޯޕަނިން އަށް) އެންމެ ފަސް ކްރޯޑު ލިބުނަސް ފިލްމުގެ ތަރިންނަށް 20 ކްރޯޑު ދޭން ޖެހޭކަމަށާއި އެއި ކޮންކަހަލަ އިންސާފެއްތޯ ކަރަން ވަނީ ސުވާލު ކޮށްފައިއެވެ.
ކަރަން އަންނަނީ މިވާހަކަތަށް އެކި އެކި އިންޓަވިއު ތަކުގައި ދައްކަމުންނެވެ. އަދި އެކްތަރުން ފީ ކުޑަ ކުރަން ޖެހޭ ކަމަށް ވަކާލާތު ކުރަމުން އޭނާ ބުނީ ފިލްމު ފްލޮޕްވާއިރު ތަރިންނަކަށް ލިބޭ ގެއްލުމެއް ނޯންނަ ކަމަށާއި ހުރިހާ ގެއްލުމެއް ބޮލުގައި އަޅަން ޖެހެނީ އުފެއްދި ފަރާތުންކަމަށެވެ.
View this post on Instagram
ކަރަންގެ ޕްރޮޑަކްޝަން ހައުސްއިން އަންނަނީ އޭނާ ޑައިރެކްޓް ކުރާ ފިލްްމްއެއް އެޅުވުމުގެ މަސައްކަތްތަށް ކުރަމުންނެވެ. އެގޮތުން ކުރިއަށް އޮތް އެޕްރިލް 28 އަށް ވަނީ އޭނާގެ ފިލްމް "ރޮކީ އޯރް ރާނީކީ ޕްރޭމް ކަހާނީ" ތާވަލް ކޮށްފައިއެވެ. ލީޑުން ފެނިގެންދާނީ ރަންވީރު ސިންގް އާއި އާލިއާ ބަޓްއެވެ.
