ޤައުމީ މަސްލަޙަތާ ގުޅުންހުރި ގިނަ ކަންކަން އެމްޑީޕީ ޕްރައިމެރީގެ ފަހަރުގައި އެބަހުރިކަމަށާ، އެމްޑީޕީގެ މެމްބަރުން އެކަމާމެދު ފުންކޮށް ވިސްނުމަކީ މުހިންމުކަމެއްކަމަށް ހޯމް މިނިސްޓަރ އަދި ސަރުކާރު ކޯލިޝަންގައި ހިމެނޭ ޢަދާލަތު ޕާޓީގެ ރައީސް އިމްރާން ޢަބްދުﷲ ވިދާޅުވެއްޖެއެވެ.
އިމްރާން ކުރެއްވި ޓްވިޓެއްގައި ވިދާޅުވީ، އެމްޑީޕީގެ ރިޔާސީ ޕްރައިމަރީއާ "އަޅުގަނޑުމެންނާ ސީދާ ގުޅުން ނެތަސް، ޤައުމީ މަސްލަޙަތާ ގުޅުންހުރި ގިނަ ކަންކަން ޕްރައިމެރީގެ ފަހަތުގައި އެބަހުރި."ކަމަށެވެ. އޭނާ ވިދާޅުވީ ޢަދާލަތު ޕާޓީގެ ރައީސްގެ ޙައިސިއްޔަތުން ވިދާޅުވި އެއްޗެއްކަމަށް ބެލެވެއެވެ. މިއީ އެމްޑީޕީގެ އެތެރޭގެ އިންތިޚާބަކަށްވާތީ އެހެން ޕާޓީތަކުގެ މީހުންނާއި އެމްޑީޕީއަށް ނިސްބަތްނުވާ މީހުން ޕްރައިމެރީގެ ކަންކަމާ ބެހި ހެދުމަކީ އެމްޑީޕީގެ ބައެއް އިސް ބޭފުޅުންވެސް ހިތްހަމަ ނުޖެހޭކަމެކެވެ.
އެމްޑީޕީގެ މެމްބަރުން ސަމާލުވުމަށް ހޯމް މިނިސްޓަރ ވިދާޅުވީ، އެވިދާޅުވާ ޤައުމީ މަސްލަޙަތާ ގުޅުންހުރި ކަންކަމަކީ ކޮބައިކަން ވިދާޅެއް ނުވެއެވެ.
MDP ge primary aa alhugadumena seedha gulhun nethas qaumee maslahatha gulhunhuri gina kan kan primary ge fahathah eba hutteve.
Vee iru @MDPSecretariat ge hurihaa izzaiytheri memberun mikama funkoh visnaa vadaigathun muhinmeve.— Imran Abdulla (@ShimranAb) January 5, 2023
ހޯމް މިިނިސްޓަރ އިމްރާން ޢަބްދުﷲ އަކީ އަބަދުވެސް އެމްޑީޕީގެ ރައީސް މުޙައްމަދު ނަޝީދާ އިދިކޮޅު ބޭފުޅެކެވެ. އަދި ނަޝީދަށް ތާޢީދުނުކުރުމަށާއި، ނަޝީދަކީ ލާދީނީ ބޭފުޅެއްކަމަށް ވިދާޅުވެ މީގެކުރިން އެތައް ފަހަރަކު އިމްރާންވަނީ ވާހަަކަފުޅުދައްކަވާފައެވެ. އަދި 2012ވަނަ އަހަރުގެ ފެބްރުރީ 7ވަނަ ދުވަހު ނަޝީދުގެ ވެރިކަން ވެއްޓުމަށް މެދުވެރި އިދިކޮޅު ސިޔާސީ ޙަރަކާތްތަކުގައިވެސް އިމްރާން އިސް ދައުރެއް އަދާކުރެއްވިއެވެ.
އެމްޑީޕީގެ ދެވަނަ ވެރިކަން 2018ގައި ފެށުނުފަހުން އިމްރާން ސީދާގޮތެއްގައި ނަޝީދަށް ފާޑުވިދާޅުވެފައެއް ނުވެއެވެ. އަދި ޢަދާލަތު ޕާޓީގެ އޮފީހަށް ނަޝީދު ވަޑައިގެންނެވުމުން އިމްރާންވަނީ އެއޮފީހުގައި ނަޝީދަށް ހޫނު މަރުޙަބާއެއްވެސް ވިދާޅުވެފައެވެ.
ކޮމެންޓު ފޮނުވާ