ދުވާލަހު 70،000 ފަހަރު ފުލުހަށް ހާޒިރުކޮށް ބިރު ދެއްކި ކަމުގައި ވީނަމަވެސް ސަރުކާރު ޖަވާބު ދާރީކޮށް ޤާނޫނު އަސާސީން މަތިކޮށްފައިވާ ޒިންމާ އަދާކުރުމުގައި ފަހަތަށް ނުޖެހޭނެކަމަށް ޕީއެންސީގެ ނައިބް ރައީސް އިބްރާހިމް ޝުޖާއު ވިދާޅުވެއްޖެއެވެ.
ބަޑި ބުރާސްފަތި" ގެ ނަމުގައި ނަސްރުގެ ދުވަސް ފާހަގަކުރުމަށް އިދިކޮޅު ޕީޕީއެމް/ޕީއެންސީން ބޭއްވި ޖަލްސާއާއި ގުޅިގެން މިއަދު ފުލުސް އޮފީހަށް ހާޒިރުކުރުމުން، ފުލުސް އޮފީހުން ނިކުމެ ޝުޖާ ވިދާޅުވީ ޤާނޫނީ ގޮތުން މަތިކޮށްފައިވާ ޒިންމާއެއް އަދާކުރުމުން ބިރު ދައްކައި އިންޒާރު ދިނުމަށް ފުލުސް އޮފީހަށް ކިތަންމެ ވަރަކަށް ހާޒިރު ކުރިޔަސް ސަރުކާރު ޒިންމާދާރު ކުރުމުގައި ފަހަތަށް ނުޖެހެނޭނެކަމަށެވެ.
ދުވާލަކު 70،000 ފަހަރު ހާޒިރު ކުރިޔަސް ޞާލިހު ޒިންމާދާރު ކުރުވާނަން. މިބޭފުޅުން މިހާރަނަށް މިކަމަކާއިގެން މިއުޅެނީ ރައީސް ޞާލިހުގެ ބަފައިބެ ކުރި ކަމަމަށްވުމުން، އެދުވަސް ފާހަގަކުުރުމަށް އަޅުގަނޑުމެން ނިކުތުމުން އެކަމާއި ހިތްހަމަ ނުޖެހިގެން މިއުޅެނީ. މިދުވަސް އަޅުގަނޑުމެން ފާހަަކުރާނެ. ކިތަންމެ ވަރަކަށް ބިރު ދެއްކިޔަސް ފަހަތަކަށް ނުޖެހޭނަން. މިއީ ޖަހާ ނުބައި ހިސާބެއް މިސަރުކާރުން. މި ސަރުކާރުން ޖެހޭނީ ތާއަބަށް އަޅުގަނޑުމެން ޖަލަށްލާން، ނޫނީ އަޅުގަނޑުމެން ތިބޭނީ މަގު މަތީގައި. އަޅުގަނޑުމެންގެ މަސައްކަތެއް ނުހުއްޓޭނެ.
– ޝުޖާ ވިދާޅުވިއެވެ.
އޭނާ ވިދާޅުވީ ކުރިއަށް އޮތީ މިސަރުކާރަށް ޕްރެޝަރު ބޮޑު ދުވަސްތަކެއް ކަމަށެވެ. ސަރުކާރު ޒިންމާދާރުކޮށް ޖަވާބު ދާރީ ކުރުމަށާއި، ރައީސް ޔާމީން ނުހައްގުން ޖަލުގައި ބާއްވާފައި އޮތް އޮތުމަކީ މިސަރުކާރަށް ހަމަޖެހިއިގެން ތިބެވޭނެ ކަމެއްނޫންކަމަށެވެ. އެގޮތުން މިހަފްތާގެ ހޮނިހިރު ދުވަހު މުޅި ރާއްޖޭގައި ބޮޑު އިޚްތިޖާޖެއްކޮށް މިސަރުކާރަށް ރަނގަޅު މެސެޖެއް ދިނުމަށް ތައްޔާރު ވަމުންދާކަމަށެވެ. އެމްއެމްޕީއާރުސީ މައްސަލާގައި އެތައް ބަޔަކު ބައިވެރިވެފައިވާކަމަށް މިސަރުކާރުން ތަކުރާަރުކޮށް ބުނަމުންދާއިރު، މި މައްސަލާގައި ރައީސް ޔާމީނަށް އެކަނި ޖަލުގައި ދެމުންދާ އަނިޔާއަކީ ލާއިންސާނީ އަނިޔާއެއްކަމަށް ޝުޖާ ވިދާޅުވިއެވެ.
އަޅުގަނޑުމެން މަގުމަތީގައާއި، ކަނޑުމަތީގައައި، ޖައްވުގައިވެސް ރައީސް ޞާލިހު ޖަވާބުދާރީ ކުރަން ޖެހިދާނެ. މިކުރާ މަސައްކަތަކީ ރާއްޖޭހެ މިނިވަންކަމާއި ސިޔާދަތާއި އިސްތިގުލާލު ރައްކާތެރި ކުރުމުގެ މަސައްކަތް. ކުރިއަށް އޮތީވެސް މާ އުދަގޫ ދުވަސްތަކެއްކަމަށް އެގިތިބި އަޅުގަނޑުމެން މިކަމާއި ކުރިމަތިމިލީ. ޖެހުނު ތަނެއްގައި އަޅުގަނޑުމެން ވަކާލާތުކުރާނަން. ޖޫރިމަނާކުރިޔަސް، ޖޫރިމަނާ ފައިސާ ނުވެސް ދައްކާނަން. މިއުޅެނީ ކަރަންޓް ބިލު ނުދެއްކިގެން ދެން ކޮން ޖޫރިމަނާއެއް ދެއްކޭނީ.
– ޝުޖާ ވިދާޅުވިއެވެ.
ޝުޖާ ފުލުހަށް ހާޒިރު ކުރުމާއި ގުޅިގެން އޭނާގެ ޤާނޫނީ ވަކީލު ވިދާޅުވީ ފުލުހަށް ހާޒިރުކޮށްފައިވަނީ ބަޔާނެއްގައި ސޮއިކުރުމަށް ކަމަށެވެ. އެއްވެސް މައްސަލައެއްގައި ދައުވާއެއްކޮށް، ތަހުގީގެއް ހިންގުމުގެ އެއްވެސް މަސައްކަތެއް ކޮށްފައި ނުވާކަމަށެވެ. އަދި މިފަދަ މައްސަލަތަކަކީ މީގެ ކުރިން ދައުވާނުކުރެވޭނެ މައްސަލަތަކެއްކަމަށް ޕީޖީ ކަނޑައަޅާފައިވާ މައްސަލަތަކެއް ކަމަށްވުމުން މިމައްސަލާގައި ދައުވާ ކުރެވިދާނެކަމަށްވެސް ގަބޫލު ނުކުރައްވާކަމުގައި ޝުޖާގެ ވަކީލު ވިދާޅުވިއެވެ.
ޝުޖާ ޕޮލިހަށް ހާޒިރުކޮށްފައިވަނީ "ބަޑި ބުރާސްފަތި" ގެ ނަމުގައި ނަސްރުގެ ދުވަސް ފާހަގަކުރުމަށް އިދިކޮޅު ޕްރޮގްރެސިވް ކޮންކްރެސް ކޯލިޝަނުން ކުރިއަށްގެންދިޔަ އިހުތިޖާޖުގައި ޝުޖާ ހައްރުކޮށް އެރޭވަނީ އޭނާއަށް 6 ތުހުމަތެއް ކުރުމަށްފަހު ދޫކޮށްލާފައެވެ.
ކޮމެންޓު ފޮނުވާ