’އައިޓަމް ސޯންގް' ކުޅެގެން މަޝަހޫރުކަން ހޯދައިފާއިވާ ބޮލީވުޑްގެ ތަރި މަލައިކާ އަރޯރާ ގެ ރިއަލިޓީ ޝޯވ "މޫވިން އިން ވިތު މަލައިކާ" ގެ ޕްރޮމޯއެއް އާންމުކޮށްފިއެވެ.
ކަރަން ޖޯހަރު ގެނެސްދޭ ޓޯކް ޝޯވ "ކޮފީ ވިތު ކަރަން" ގެ 7 ވަނަ ސީޒަނަށްފަހު، އަންނަ މަހުގެ 5 ގައި ޕްރީމިއާކުރަން ނިންމާފައިވާ މި ޝޯވގައި މަލައިކާގެ ހަޔާތުގައި ހިނގާފައި އަދި ހިނގަމުންދާ ކަންތައްތަކާއި ބެހޭގޮތުން ވާހަކަ ދައްކާނެއެވެ.
ބަނިޖޭ އޭޝިއާ އިން ޕްރޮޑިއުސްކުރާ މި ޝޯވގައި ގެސްޓް އެޕިއަރެންސްގެ ގޮތުގައި މަލައިކާގެ އާއިލާގެ މީހުންނާއި ރައްޓެހިންވެސް ފެންނާނެއެވެ. މީގެ ވާހަކަ ސޯޝަލް މީޑިއާގައި ހިއްސާކޮށް މަލައިކާ ބުނީ މި ޝޯގައި އޭނަގެ ހަޔާތާ ބެހޭ ވަރަށް ގިނަ ކަންކަން ވަރަށް ގާތުން އަދި ޒާތީ ވަރަށް ގިނަ ކަންކަން ވެސް ފެނިގެން ދާނެ ކަމަށެވެ.
މިހާރު އުމުރުން 49 އަހަރުގެ މަލައިކާ އަކީ ސަލްމާން ޚާންގެ ކޮއްކޮ އަރުބާޒް ޚާންގެ ކުރީގެ އަންހެނުންނެވެ. އެ ދެ މީހުންގެ ކައިވެނި 2017 ގައި ރޫޅައިލި އިރު ލިބިފައިވާ ދަރިފުޅަކީ މިހާރު އުމުރުން 20 އަހަރުގެ އަރްހާން ޚާނެވެ.
ކޮމެންޓު ފޮނުވާ