މަޝްހޫރު ބޮލީވުޑް ބަތަލާ ކާޖޮލް ގެ އެންމެ ފުރަތަމަ ފިލްމް "ބޭހުދީ" ގެ ކޯއެކްޓަރު ކަމަލް ސާދަނާ، 30 އަހަރު ފަހުން އެނބުރި ބޮޑު ސްކްރީން އަށް އައިސްފިއެވެ.
ކަމަލް ފެނިގެން ދާނީ ކާޖޮލް ގެ ކުރިއަށް އޮތް ފިލްމް "ސަލާމް ވެންކީ" އިންނެވެ. " ބޭހުދީ" އަކީ 1992 ވަނަ އަހަރު ރިލީޒް ކުރި، އަދި ބަތަލާ ޖާކޮލް ގެ ފުރަތަމަ ފިލްމްއެވެ.
View this post on Instagram
ފިލްމް އާއި އެއްވަރަށް މި ފިލްްމްގެ ލަވަ ތަކަކީ ވެސް ބެލުންތެރިންގެ މެދުގައި ވަރަށް ބޮޑަށް މަގުބޫލުވި އެއްޗެކެވެ. ހަމަ އެއާއި އެކުގައި މި ފިލްމް އަކީ ބޮޑޫ ކާމިޔާބެއް ހޯދި ފިލްމްއެއް ވެސް މެއެވެ.
"ބޭހުދީ" އަށް ފަހު، މާ ގިނަ ފިލްމުތަކެއް 52 އަހަރުގެ އެކްޓަރު ކުޅެފައެއް ވެސް ނުވެ އެވެ. ކަމަލް ކުޅުނު ފިލްމުތަކުގެ ތެރޭގައި 1993 ގެ "ރަންގް" އާއި 1994 ގެ "ބާލީ އުމަރު ކޯ ސަލާމް" ހިމެނެ އެވެ. އަދި އެންމެ ފަހުން ކަމަލް ފެނިފައި ވަނީ 2007 ވަނަ އަހަރު "ވިކްޓޯރިއާ ނަމްބާ 203: ޑައިމަންޑްސް އާ ފޯއެވާ" އިންނެވެ.
12 ވަރަކަށް ފިލްމް ކުޅެފައިވާ ކަމަލް ވަނީ ދެ ފިލްމްއެއް ޑައިރެކްޓް ވެސް ކޮށްފައިއެވެ. އެއީ 2005 ވަނަ އަހަރު "ކަރްކާޝް" ކިޔާ ފިލްމް އަކާއި 2014 "ރޯޑް" ކިޔާ ފިލްމްއެކެވެ. މީގެ އިތުރުން އޭނާ ވަނީ ބައެއް ފިލްްމްތަށް ޕްރޮޑިއުސް ވެސް ކޮށްފައިއެވެ.
އަންނަ މަހުގެ 9 ގައި ރިލީޒްކުރާ "ސަލާމް ވެންކީ" އާ ބެހޭ ގޮތުން ކަމަލް ބުނީ އެ ފިލްމުގެ މަސައްކަތްކުރި އިރު އާވެ އާލާވެގެން ދިއައީ "ބޭހުދީ" ގައި ކާޖޮލް އާއިކެކުގައި މަސައްކަތްކުރި ދުވަސްވަރު ކަމަށެވެ. ކާޖޮލްގެ ޝޫރުތަށް ވެސް ހުރީ އެފަދަ ގޮތަކަށްށެވެ. ކާޖޮލް ބުނީ 30 އަހަރު ފަހުން ކަމަލްއާ އެކީ މަސައްކަތްކުރަން ލިބުމުން ހައިރާންވެގެން ގޮސް ބުނާނެ އެއްޗެއް ނޭނގި އެތައް އިރެއް ވަންދެން ހުންނަން ޖެހުނު ކަމަށެވެ.
"ސަލާމް ވެންކީ" ޑައިރެކްޓްކޮށްފައި ވަނީ ބަތަލާ ރެވަތީ އެވެ. އޭނަ އަކީ ސަލްމާން ޚާންގެ 1990 ގެ ފިލްމު "ލަވް" ގެ ބަތަލާއެވެ. އަދި އޭނާ އަކީ ސައުތު ގެ ފިލްމް އިންޑަސްޓްރީގައި މަގުބޫލު ތަރިއެކެވެ.
މަޔަކާއި ނުކުޅެދޭ ފިރިހެން ދަރިއެއްގެ ވާހަކަ ކިޔައިދޭނެ މި ފިލްމު ގައި ކާޖޮލް އާއި އެކުގައި ފެނިގެންދާނީ ރަޖީވް ކަންޑެލްވާލާ އާއި އަހާނާ ކުމްރާ، ވިޝާލް ޖެތްވާ އަދި ރާހުލް ބޯސްއެވެ.
