ބޮލީވުޑްގެ ހުނަރުވެރި ބަތަލާ ޖާކޮލްގެ ކުރިއަށް އޮތް ފިލްމް "ސަލާމް ވެންކީ" ގެ ޓްރއިލާ ބެލުންތެރިނަށް ދައްކައިލައިފިއެވެ.
މި ފިލްމަށް މީގެ ކުރިން ދީފައިވާ ނަމަކީ "ދަ ލާސްޓް ހުއްރަހް" އެވެ. އާ ނަމުގައި ފިލްމުގެ ޝޫޓިންގ ފަށާފައިވަނީ މި އަހަރުގެ ފެބުރުވަރީ މަހުގެ ތެރޭގައެވެ. މި ފިލްމް ސިނަމާތަކަށް ގެނައުމަށް ތާވަލް ކޮށްފައިވަނީ އަންނަ މަހުގެ 9ގައިއެވެ.
"ސަލާމް ވެންކީ" ޑައިރެކްޓްކޮށްފައި ވަނީ ބަތަލާ ރެވަތީ އެވެ. އޭނަ އަކީ ސަލްމާން ޚާންގެ 1990 ގެ ފިލްމު "ލަވް" ގެ ބަތަލާއެވެ. އަދި އޭނާ އަކީ ސައުތު ގެ ފިލްމް އިންޑަސްޓްރީގައި މަގުބޫލު ތަރިއެކެވެ.
މަޔަކާއި ނުކުޅެދޭ ފިރިހެން ދަރިއެއްގެ ވާހަކަ ކިޔައިދޭނެ މި ފިލްމު ގައި ކާޖޮލް އާއި އެކުގައި ފެނިގެންދާނީ ރަޖީވް ކަންޑެލްވާލާ އާއި އަހާނާ ކުމްރާ، ވިޝާލް ޖެތްވާ އަދި ރާހުލް ބޯސްއެވެ.
View this post on Instagram
48 އަހަރުގެ ބަތަލާ އެންމެ ފަހުން ފެނިފައި ވަނީ މިދިޔަ އަހަރު ނެޓްފްލިކްސް އިން ޕްރީމިއާކުރި ފިލްމު "ތުރިބާންގާ" އިންނެވެ. މަޝްހޫރު އެކްޓަރު އަޖޭ ދޭވްގަންގެ އަންހެނުން މިހާރު އަންނަނީ ޑިޒްނީ ޕްލަސް ހޮޓްސްޓަރ އިން ދައްކަން ހަމަޖެހިފައިވާ "ދަ ގުޑް ވައިފް" ކިޔާ ސީރީޒެއް ވެސް ކުޅެމުންނެވެ.
