އެމްއެމްއޭއާއި ގުޅިގެން ސަރުކާރު ވައްޓާލަން އުޅޭކަމުގެ ތުހުމަތު!

އެމްއެމްއޭއާއި ގުޅިގެން ސަރުކާރު ވައްޓާލަން އުޅޭކަމުގެ ތުހުމަތު!

ގުޅުންހުރި

ސަރުކާރު ވައްޓާލުމަށް ސަލާމަތީ ބާރުތަކުގެ ތާއީދު ނުލިބުމުން އެމްއެއޭގެ ތާއީދު ހޯދައިގެން ސަރުކާރު ވައްޓާލަން އުޅޭކަމުގެ ތުހުމަތު ދާންދޫ ދާއިރާގެ މެންބަރު ޔައުގޫބު އަބްދުﷲ ކުރައްވައިފިއެވެ.

އަންނަ އަހަރަށް ލަފާކޮށް ސަރުކާރުން މަޖިލީހަށް ހުށަހަޅުއްވާފައިވާ ބަޖެޓާއި ގުޅޭގޮތުން، އެމްއެމްއޭގެ ގަވަރުނަރާއެކު މިއަދު ކުރިޔަށް ގެންދިޔަ ބަޖެޓް ކޮމިޓީގައި، ބަޖެޓަށް ގަވަރު ދެއްވާފައިވާ ލަފާފުޅުތަކާމެދު ހިންހަމަޖެހިވަޑައިނުގެން ސަރުކާރަށް ތާއީދުކުރާ މެމްބަރުން ކޮމިޓީގައިވަނީ ނުރުހުން ފާޅު ކުރައްވާގައެވެ.

މިގޮތުން ގަވަރުނަރު ދެއްވި ލަފާފުޅާއި ގުޅޭގޮތުން ހިންހަމަޖެހިވަޑައިނުގެން ދާންދޫ ދާއިރާގެ މެމްބަރު ޔައުގޫބު އަބްދުﷲ ތުހުމަތު ކުރެއްވި ގޮތުގައި، ބަޖެޓަށް ގަވަރު ނެއްރުވި ލަފާ ނެރުއްވާފައިވަނީ ސިޔާސީ ބަޔަކު އަޑީގައި ތިބެގެންނެވެ. ޔައުގޫބު ވިދާޅުވީ، އެމްއެމްއޭގެ ލަފައަކީ ސިޔާސީ އޮޕީނިއަންއެއް ކަމަށާއި، އެ އޮފީނިއަންއިން ސިފަވަނީ ސަރުކާރު ވައްޓާލަން ސަލާމަތީ ބާރުތަކުގެ އެއްބާރުލުން ނުލިބުމުން އެމްއެމްއޭގެ ތާއީދު ހޯދައިގެން ސަރުކާރު ވައްޓާލަން ބަޔަކުމީހުން މަސައްކަތް ކުރަމުންދާ ކަންކަމުގައެވެ.

މިއީ ހަމަ ސީދާ ސިޔާސީ އޮޕީނިއަންއެއް. އަޅުގަނޑަށް މި ފެންނަނީ ސަލާމަތީ ބާރުތަކުގެ ސަޕޯޓް ނުލިބުނީމަ ސަރުކާރު ވައްޓާލަން އެމްއެމްއޭގެ ސަޕޯޓު ހޯދައިގެން އެކަން ކުރަން ބަޔަކު މަސައްކަތް ކުރާކަން.

ކޮމިޓީގައި ވާހަކަ ދައްކަވަމުން ޔައުގޫބު ވިދާޅުވެފައި ވެއެވެ.

މިއަދުގެ ކޮމިޓީ ޖަލްސާގައި އޭނާ އިތުރަށް ތުހުމަތު ކުރެއްވި ގޮތުގައި ރާއްޖޭގެ އިގްތިސާދު މީގެ ކުރިން ހީނަރުވެގެން ދިޔަ ދަނޑިވަޅުތަކުގައި، އޭރު ގަވަރުނަރުން މި ބީދައިން ކަންބޮޑުވުން ފާޅު ކުރައްވާފައެއް ނުވެއެވެ.

މިގޮތުން، 2017 އަދު 2009 ގައިވެސް ރާއްޖޭގެ ރިޒާވު އެންމެ ބޮޑަށް ދަށްވެގެންދިޔަ ދަނޑިވަޅުތަކުގައި އޭރުގެ ގަވަރުނަރުން މި އުސޫލުން ބަޖެޓާމެދު ކަންބޮޑުވުން ފާޅުކުރައްވާފައި ނުވާކަމުގައި ޔައގޫބު ވިދާޅުވިއެވެ.

އޭރު އެ ވާހަކަ ނުދައްކަވާ، މިހާރު އެ ވާހަކަ ދައްކަވާ ބޭފުޅުންނަކީ ގަވަރުނަރާއި މަޖިލީސްގެ ރައީސް. މި ދެ ބޭފުޅުންނަކީ އޭރު ރިޒާވް 32 މިލިއަނަށް ވެއްޓުނު އިރު ފިނޭންސް މިނިސްޓަރާއި ރާއްޖޭގެ ރައީސުލްޖުމްހޫރިއްޔާ.

އެމްއެމްއޭގެ ގަވަރުނަރު މިއަހަރުގެ ބަޖެޓަށް ހުށަހަޅުއްވާފައިވާ ލަފައަކީ ބައެއް ސިޔާސީ ފަރާތްތަކާއި ބައިއަތު ހިއްޕަވައިގެން ސަރުކާރާ ދެކޮޅަަ ދެއްވާފައިވާ ލަަފައެއްކަމުގައި ތުހުމަތު ކުރައްވަމުން ޔައުގޫބު ވިދާޅުވެފައި ވެއެވެ.

ޔައުގޫބު ވާހަކަފުޅަށް ޖަވާބު ދެއްވަމުން އެމްއެމްއޭގެ ގަވަރުނަރު ވިދާޅުވީ އަލީ ހާޝިމް ވިދާޅުވީ އޭރު އިގްތިސާދުގެ ހާލަތު ހުރިގޮތުން އައިއެމްއެފްގެ ޕްރޮގްރާމަކަށް ދިޔަކަމަށާއި، އައިއެމްއެފްގެ ޕްރޮގްރާމަކަށް ދާންޖެހުނީ އޭރުގެ އިގްތިސާދީ ހާލަތާއި ގުޅޭގޮތުން ކަންބޮޑުވުން ހުރެގެން ކަމުގައެވެ.

ޔައަގޫބުގެ އިތުރުންވެސް ބަޖެޓް ކޮމިޓީގައި ހިމެނިވަޑައިގަންނަވާ ސަރުކާރަށް ތާއީދުކުރާ ގިނަ މެމްބަރުންވަނީ އަލީ ހާޝިމް ބަޖެޓަށް ދެއްވާފައިވާ ލަފާއަކީ ސިޔާސީ ވިސްނުމުގައި ދެއްވާފައިވާ ލަފައެއް ކަމުގައި ތުހުމަތުކުރައްވާ ވާހަކަ ދައްކަވާފައެވެ. މިގޮތުން އަންނަ އަހަރަށް ލަފާކޮށް ހުށަހަޅާފައިވާ ބަޖެޓާއި ގުޅޭގޮތުން އެމްއެމްއޭއިން މުޅިންވެސް ދައްކަވާފައިވަނީ ބަޖެޓުގައި ހުރި އުނިކްނަކަމުގައި ވާހަކަކަމުގައި ތުހުމަތު ކުރައްވަމުން، ބަޖެޓުގައި ހުރި ރަގަޅު އެއްވެސްކަމެއް ގަވަރުނަރަށް ފެނިވަޑައިގެންފައި ނުވާކަމުގައިވެސް މެމްބަރުން ވިދާޅުވެފައި ވެއެވެ.

މިއަދުގެ ކޮމިޓީގައި އަލީ ހާޝިމްވަނީ ޓެކްސް ބޮޑުކުރުމަށް ސަރުކާރުން ނިންމަވާފައިވާ ނިންމެވުމާ ދެކޮޅަށްވެސް ވާހަކަ ދައްކަވާފައެވެ. އޭނާ ވިދާޅުވި ގޮތުގައި ޓެކްސް ބޮޑުކުރުމަކީ ކުރުން ރަގަޅުކަމެއް ކަމަށާއި އެހެންނަމަވެސް މިއީ އެކަމަށް އެންމެ ރަގަޅު ވަގުތު ނޫން ކަމުގައެވެ.

މިފަދަ ޓެކްސޭޝަންގައި އެބައޮތް އޮޕީނިއަން ތަފާތެއް. އަޅުގަނޑުމެންގެ އިކޮނޮމީ އޮތީ ރަނގަޅު ހާލަތެއްގައި މިއީ ކުރަން ރަނގަޅު ކަމެއް. އަޅުގަނޑުމެންގެ އިޝޫ އަކީ ޓައިމިން. ލަފާއަކީ މިދިޔަ އަހަރުތަކަށް ބަލާއިރު ތަފާތު ލަފައެއް ނޫން. ހަމަ އެއް ކަންކަން ކަމެއް ރިޕީޓްކޮށްފައި ހުންނާނީ.

ކޮމިޓީގައި ވާހަކަ ދައްކަވަމުން އަލީ ހާޝިމް ވިދާޅުވެފައި ވެއެވެ.

މިހާރުގެ ގަވަރުނަރު އަލީ ހާޝިމްއަކީ ކުރީގެ ރައީސް ނަޝީދުގެ ދައުރުގައި ފިނޭންސް މިނިސްޓަރުކަން ކުރެއްވި ބޭފުޅެކެވެ. އޭނާ އެމްއެމްއޭގެ ގަވަރުނަރުކަމަށް އައްޔަން ކޮށްފައިވަނީ ރައީސް ސާލިހު ރައީސްމަކާއި ހަވާލުވެވަޑައިގެންނެވުމަށް ފަހުއެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *

ފަހުގެ