ދުވަސްތަކަކަށް ފަހު ކުރީގެ އެކްޓަރު އަދި ސަލްމާން ޚާންގެ ކޮއްކޮ އަރްބާޒް ޚާން ފެނިގެންދާ ފިލްމު "ތަނާވް"ގެ ޓްރެއިލާ ބެލުންތެރިންނަށް ދޫކޮށްލައިފިއެވެ.

ކަޝްމީރު މިނިވަންކުރުމަށް ކަމަށް ބުނެ އިންޑިއާގެ ސިފައިން ކުރާ މަސައްކަތްކަތަކެއް ދައްކުވައިދޭ ފިލްމް ގައި އިންޑިއާ އާއި ޕާކިސްތާނުގެ މެދުގައި ހިނގާ ހަމަނުޖެހުމުގެ ތެރެއިން މައުސޫމް އެތައް ފުރާނައެއް ގެއްލިގެންދާ ގޮތް ދައްކުވައިދެއެވެ.

މި ފިލްމަކީ އިސްރާއިލުގެ ތުރިލާ ފިލްމެއް ކަމަށްވާ "ފައުދާ" ގެ ހިންދީ ރިމޭކެއް ކަމަށްވެ އެވެ. ފިލްމުގެ ލީޑު ރޯލުގައި ފެނިގެންދަނީ އަރްބާޒް ޚާނާއި މާނަވް ވިޖް ފެނިގެންދާއިރުގައި ފިލްމްގެ ކާސްޓުގައި ދާނިޝް ހުސައިން، އެކްތާ ކޯލް، އެމްކޭ ރައިނާ، ރަޖަތް ކަޕޫރް، ސުމިތް ކޯލް ގެ އިތުރުންވެސް ބޮޑު ކާސްޓެއް ހިމެނެއެވެ.

ފިކްޝަނަލް ތުރިލާއެއް ކަމަށްވާ މި ފިލްމަކީ މަސްހުނި އިހުސާސްތަކެއް ދައްކުވައިދޭނެ ފިލްމްއެއް ކަމަށް ބޮޅީވުޑްގެ ހަބަރުތަށް ގެނެސްދޭ ނޫސްތަކުން ވަނީ ބުނެފައިއެވެ.

އަންނަ މަހުގެ 11 ވަަނަ ދުވަހު ސޮނީ ލިވް އިން ސްޓްރީމްކުރާ ގޮތަށް ހަމަޖެހިފައިވާ މި ފިލްމު ގެ ޑައިރެކްޓަރަކީ ސުދީރް މިޝްރާ އާއި ސަޗިން ކްރިޝްން އެވެ. ފިލްްމްގެ ޕްރޮޑިއުސް ކޮށްފައިވަނީ  އެޕްލޯޒް އެންޓަޓެއިންމަންޓުންނެެވެ