ބޮލީވުޑްގެ ކުޅަދާނަ ތަރި ކާޖޮލްގެ "ސަލާމް ވެންކީ" މި އަހަރުގެ ޑިސެމްބަރު މަހުގެ 9 ވަނަ ދުވަހުގައި ސިނަމާތަކަށް ގެންނާނެކަން އިއުލާން ކޮށްފިއެވެ.
މި ފިލްމަށް މީގެ ކުރިން ދީފައިވާ ނަމަކީ "ދަ ލާސްޓް ހުއްރަހް" އެވެ. އާ ނަމުގައި ފިލްމުގެ ޝޫޓިންގ ފަށާފައިވަނީ މި އަހަރުގެ ފެބުރުވަރީ މަހުގެ ތެރޭގައެވެ.
ސޫރަޖް ސިންގް، ޝްރައްދާ އަގަރްވާލް އަދި ވަރްޝާ ކުކްރޭޖީ ޕްރޮޑިއުސްކުރާ މި ފިލްމަކީ ހަގީގީ ހާދިސާއެއްގެ މައްޗަށް ބިނާކޮށް އުފައްދާ ފިލްމެކެވެ. އެގޮތުން ފިލްމުގައި ފެނިގެންދާނީ ހިތްވަރުގަދަ މަންމައެއްގެ ވާހަކަތަކެކެވެ.
View this post on Instagram
ކާޖޮލްގެ އިތުރުން މުހިންމު ރޯލުތަކުން ވިޝާލް ޖެތުވާ، އާހާނާ ކުމްރާ، ރާހުލް ބޯސް، ރާޖީވް ކަންޑެލްވާލް އަދި އަނަންތު މަހާދޭވަން ފެނިގެންދާ "ސަލާމް ވެންކީ" ގައި އާމިރް ޚާން ވެސް ހާއްސަ ފެނިލުމަކުން ފެނިގެންދާނެއެވެ.
ބީލިވް ޕްރޮޑަކްޝަންސް އާއި އާރްޓޭކް ސްޓޫޑިއޯސްގެ ކުޑައިގެ ދަށުން ނެރޭ ފިލްމު "ސަލާމް ވެންކީ" ޑައިރެކްޓްކުރީ ޤައުމީ ފިލްމު އެވޯޑް ހޯދާފައިވާ ފިލްމު"“މިތުރް: މައި ފްރެންޑް" އަދި 2004 ގެ "ޕިރް މިލޭންގޭ" ގެނެސްދިން ޑައިރެކްޓަރ ރޭވަތީއެވެ.
