ބޮލީވުޑްގެ ދެބެން ކަމުގައިވާ މަލައިކާ އަރޯރާ އާއި އޭނާގެ ކޮއްކޮ އަމްރިތާ އަރޯރާގެ ދިރިއުޅުން ދައްކުވައިދޭ ސީރީޒެއް ގެނެސްދޭން ތައްޔާރުވަމުން އަންނައިރު މި ސީރީޒުން މަލައިކާގެ ކުރީގެ ފިރިމީހާ އަރްބާޒް ޚާނާއި އޭނާގެ މިހާރުގެ ލޯބިވެރިޔާ އަރުޖުން ކަޕޫރު ފެނިގެންދާނެ ކަމަށް ޚަބަރުތަށް ބުނެފިއެވެ.
މަލައިކާއާއި އަރުބާޒު ކައިވެނި ކޮށްފައިވަނީ 1998 ވަނަ އަހަރުއެވެ. މި ކައިވެންޏަށް ފިރިހެން ކުއްޖަކު ވެސް ލިބިފައިވެއެވެ. އަރްބާޒާއި މަލައިކާ ވަރިވުމަށް ނިންމާފައިވަނީ އޭގެ 18 އަހަރު ފަހުން 2016 ގައެވެ. އަދި މި ދެމީހުން ރަސްމީކޮށް ވަރި ވެފައިވަނީ 2017 ވަނަ އަހަރުއެވެ.
އަޑުތައް ފެތުރުނު ގޮތުގައި މި ކައިވެނި ރޫޅުނީ އަރުޖުން ކަޕޫރާއި މަލައިކާގެ ލޯބި ފަޅާ އެރުމުގެ ސަބަބުންނެވެ. ނަމަވެސް މީގެތެރެއިން އެއްވެސް މީހަކު މިކަމާ ގުޅޭގޮތުން މިހާތަނަށް ވާހަކަ ދައްކާފައެއް ނުވެއެވެ.
އަދި މިހާރު މަލައިކާ އާއި އަރުޖުންގެ ގުޅުން ރަސްމީކޮން އިއުލާން ކޮށްފައި ވާއިރު އެމީހުން އުޅެމުން އަންނަނީ އެއް ގެއެއްގައި ކަމަށްވެސް ޚަބަރުތައް ބުނެއެވެ.
"އަރޯރާ ސިސްޓާ"ގެ ނަމުން ގެނެސްދޭން ތައްޔާރު ވަމުން އަންނަ މި ސީރީޒްގައި ދެބޭންގެ ޕޮޝް ލައިފްސްޓައިލް ދައްކުވައިދޭނެއެވެ.
މި ސީރީޒާ ބެހޭގޮތުން މާގިނަ މައުލޫމާތެއް އަދި ހާމަކޮށްފައެއް ނުވެއެވެ. ނަމަވެސް މި ސީރީޒަކީ ނެޓްފްލިކްސް އިން ގެނެސްދިނުމަށް ތައްޔާރު ކުރަމުން އަންނަ ސީރީޒެކެވެ.
