ލާމަރުކަޒީ ޤާނޫނުން ލާޒިމްކުރާ ޕްރޮޖެކްޓްތައް ހިންގުމުގެ ފުރުސަތެއް މިއަދާއި ހަމައަށްވެސް ކައުންސިލް ތަކަށްނެތްކަމަށް ވިދާޅުވެ ރައްޔިތުންގެ މަޖިލީހުގެ އުނގޫފާރު ދާއިރާގެ މެމްބަރު މުހައްމަދު ވަހީދު (ވައްޑޭ)ގެ ފާޑުކިޔުން ސަރުކާރަށް އަމާޒުކޮށްފިއެވެ.
ލާމަރުކަޒީ ގާނޫނުގެ 69 ވަނަ މާއްދާގައި ބުނެފައިވަނީ ޕީއެސްއައިޕީ މަޝްރޫޢުތަކުގެ ތެރެއިން ފަސް މިލިއަނުން ދަށުގެ މަޝްރޫޢުތައް ހިންގަންވާނީ ރަށް ނުވަތަ އަތޮޅު ކައުންސިލް މެދުވެރިކޮށް ކަމަށާއި، އަދި ސިޓީއެއްނަމަ 15 މިލިއަނުން ދަށުގެ މަޝްރޫޢުތައް ހިންގާނީ ސިޓީ ކައުންސިލް މެދުވެރިކޮށް ކަމަށް ވަނީ ބުނެފައެވެ.
ވައްޑެ ވިދާޅުވީ ޕީއެސްއައިޕީ މަޝްރޫޢުތަކުގެ ތެރެއިން 5 މިލިއަނުން ދަށުގެ މަޝްރޫޢުތައް ހިންގަންވާނީ ރަށް ނުވަތަ އަތޮޅު ކައުންސިލް މެދުވެރިކޮށް ކަމަށާއި، އަދި ސިޓީއެއްނަމަ 15 މިލިއަނުން ދަށުގެ މަޝްރޫޢުތައް ހިންގާނީ ސިޓީ ކައުންސިލް މެދުވެރިކޮށް ކަމަށް ޤާނޫނުގައި ބަޔާން ކޮށްފައި ވީނަމަވެސް އެފުރުސަތު އަދާއި ހަމައަށްވެސް ތަނަވެސް ވެފައި ނުވާކަމަށެވެ. މިއަދުވެސް ކުދިކުދި ޕްރޮޖެކްޓްތައްވެސް ރަށްރަށުގައި ހިންގަނީ މައި ސަރުކާރުގެ އިދާރާތަކުން ކަމަށް ވައްޑެ ވިދާޅުވިއެވެ.
ސަރުކާރުން އިޞްލާޙު ހުށަހަޅައިގެން ފާސްކުރި ޤާނޫނުގައި މިހެން އޮތްނަމަވެސް، އަދިވެސް ރަށު ޞިއްޙީ މަރުކަޒުގެ ޕޯޓިކޯ އެ ހަދަނީ ހެލްތް މިނިސްޓްރީންނެވެ. ވޮލީ ކޯޓް އެ ހަދަނީ ޔޫތް މިނިސްޓްރީންނެވެ.
– ވައްޑެ ވިދާޅުވިއެވެ.
ޕީއެސްއައިޕީ މަޝްރޫޢުތަކުގެ ތެރެއިން 5 މިލިއަނުން ދަށުގެ މަޝްރޫޢުތައް ހިންގަންވާނީ ރަށް ނުވަތަ އަތޮޅު ކައުންސިލް މެދުވެރިކޮށެވެ. އަދި ސިޓީއެއްނަމަ 15 މިލިއަނުން ދަށުގެ މަޝްރޫޢުތައް ހިންގާނީ ސިޓީ ކައުންސިލް މެދުވެރިކޮށެވެ. (ލާމަރުކަޒީ ޤާނޫނު 69) pic.twitter.com/bPvhs43K3Y
— Waddey (@waddey_) August 28, 2022
ލާމަރުކަޒީ އުސޫލުން އިދާރީ ދާއިރާތައް ހިންގުމަށްޓަކައި ޤާނޫނަށް ގެނައި އިސްލާހުތައް ތަންފީޒު ނުވާ މައްސަލައަކީ ކައުންސިލްތަކުން އެންމެ ބޮޑަށް ކަންބޮޑުވުމާއިއެކު ފާޅު ކުރަމުންދާ ކަންތަކެވެ. ޚާއްސަކޮށް ރަށްރަށުގެ އިޚްތިސާސްގައި ހިމެނޭ ތަންތަން ބޭނުން ކުރުމުގެ ފަރުސަތު ކައުންސިލްތަކަށް ނުލިބުމާއި، މާލީ ބާރުވެރިކަން ސަރުކާރުން އަދިވެސް ކައުންސިލްތަކަށް ދޫކޮށް ނުލާކަމީ ކައުންސިލް ތަކުން އެންމެ ބޮޑަށް ކަންބޮޑުވުމާއިއެކު ފާޅު ކުރާ ކަންކަމެވެ.
