ސަސްޕެންޑްކޮށްފައި ހުންނަވާތާ ދޮޅު އަހަރެއްހާ ދުވަސް ފަހުން ރައްޔިތުންގެ މަޖިލީހުގެ ސާޖަންޓް އެޓް އާމްސްގެ މަގާމުގައި ހުންނެވި މުހައްމަދު ހަލީމް މަޤާމުން ވަކިކުރައްވައިފިއެވެ.
ޙަލީމް މަޤާމުން ވަކިކުރުމަށް މަޖިލީހުގައި މިއަދު ނެގި ވޯޓުގައި އޭނާ މަޤާމުން ވަކިކުރެއްވުމަށް 25 މެންބަރަކު ވޯޓު ދެއްވިއެވެ. އަދި ވަކިކޮޅަށް ވޯޓު ދޭން ނުފެންނަކަމަށް އެއް މެންބަރަކު ހުންނެވިއެވެ. ވަކިކުރަން ނުފެންނަކަމަށް އެއްވެސް މެންބަރަކު ވޯޓު ދެއްވާފައެއް ނުވެއެވެ.
މިދިޔަ އަހަރުގެ ޖެނުއަރީ މަހު ހަލީމް ސަސްޕެންޑްުކުރީ މަޖިލީހުން ބަލަމުންދާ މައްސަލައަކާއި ގުޅިގެންނެވެ. ނަމަވެސް އެ މައްސަލައާއި ގުޅޭ އިތުރު ތަފްސީލެއް މަޖިލީހުން މިހާތަނަށް ހާމަކޮށްފައެއް ނުވެއެވެ.
ރައްޔިތުންގެ މަޖިލީހުގެ ސާޖެންޓް އެޓް އާމްސްގެ މަގާމަށް މުހައްމަދު ހަލީމް އައްޔަންކުރެއްވީ 31 އޮކްޓޫބަރު 2013ގައެވެ. އޭގެ ކުރިން އޭނާއަކީ މޯލްޑިވްސް ނޭޝަނަލް ޑިފެންސް ފޯސްގައި ދިގުމުއްދަތަކަށް ހިދުމަތް ކުރެއްވި ބޭފުޅެކެވެ.
