ތ. ގާދިއްފުށި އަދި މ. ދިއްގަރު ލޯކަލް ކައުންސިލްގެ ބައި-އިލެކްޝަންގައި ވޯޓުލަން ފަށައިފިއެވެ.
އިލެކްޝަންސް ކޮމިޝަނުން ބުނީ ދިއްގަރާއި ގާދިއްފުށީގެ ބައި އިލެކްޝަންގެ ވޯޓުލުން ހެނދުނު 08:00އިން ހަވީރު 16:00އާއި ހަމައަށް ކުރިއަށްދާނެކަމަށެވެ.
ތ. ގާދިއްފުށި އަދި މ. ދިއްގަރު ލޯކަލް ކައުންސިލްގެ ބައި-އިލެކްޝަންގައި 09:00 އާ ހަމައަށް ވޯޓުލާފައިވާ ނިސްބަތް pic.twitter.com/UXsJwzBMlU
— Elections Commission (@ElectionsMv) August 13, 2022
މ.ދިއްގަރު ކައުންސިލުން ހުއްވެފައިވާ ގޮޑިއަށް ވާދަކުރަނީ އިދިކޮޅު ޕީޕީއެމްގެ ކެނޑިޑޭޓަކާއި، ސަރުކާރު ހިންގާ މައި ޕާޓީ އެމްޑީޕީގެ ކެނޑިޑޭޓެކެވެ.
މިއިންތިޚާބުގައި ކެނޑިޑޭޓް ނަންބަރު އެކެއް ލިބިފައިވަނީ އެމްޑީޕީގެ ފަރާތުން ވާދަކުރާ ކެނޑިޑޭޓް ޢަބްދުﷲ ޢާރިފް، އަށެވެ. ޕީޕީއެމްގެ ކެނޑިޑޭޓް ޢަބްދުލްޙަންނާން އަޙްމަދަސް ލިބިފައިވަނީ ކެނޑިޑޭޓް ނަންބަރު ދޭކެވެ.
ދިއްގަރު ކައުންސިލް ގޮޑިއެއް ހުސްވެފައިވަނީ އެކައުންސިލްގައި މިނިވަން މެމްބަރެއްގެ ގޮތުގައި ތަމްސީލްކުރި މެމްބަރު މަޤާމުން އިސްތިއުފާ ދެއްވުމުންނެވެ. ވެރިކުރާ މައި ޕާޓީ އެމްޑީޕީއަށް މެޖޯރިޓީ އޮންނަ ދިއްގަރު ކައުންސިލްގައި ތިއްބަވަނީ އެމްޑީޕީ 3 މެމްބަރަކާއި، އިދިކޮޅު ޕީޕީއެމްގެ މެމްބަރެކެވެ.
ބައި އިލެކްޝަންތައް ބޭއްވުމަށް އިލެކްޝަންސް ކޮމިޝަނަށް ލިބިފައިވަނީ ޖުމުލަ 1.5 މިލިއަން ރުފިޔާއެވެ. އޭގެ ތެރެއިން 1.4 މިލިއަން ރުފިޔާ އަންހެނުންގެ ތަރައްގީއަށް މަސައްކަތްކުރާ ކޮމެޓީގެ ބައި އިލެކްޝަންތަކަށް ހަރަދުކޮށްފައިވާ ކަމަށް އެ ކޮމިޝަނުން ވަނީ ބުނެފައެވެ.
