އެއްޖިންސުން ގުޅުންހިންގިކަމުގެ ތުހުމަތުގައި ރައްޔިތުންގެ މަޖިލީހުގެ ރައީސް މުޙައްމަދު ނަޝީދުގެ ކޮއްކޮ ނާޒިމް ސައްތާރު ހައްޔަރުކުރުމުން، ރައިސް ނަޝީދު އިނގިރޭސި ބަހުން ޓްވީޓްކުރެއްވީ، ދެ މަޤްޞަދެއްގައިކަމަށް ނާއިފަރު ދާއިރާގެ މެންބަރު އަދި ޕީޕީއެމްގެ ނާއިބު ރައީސް އަޙްމަދު ޝިޔާމް ވިދާޅުވެއްޖެއެވެ.
ޒިމް ސައްތާރު ހައްޔަރު ކުރުމާއެކު، ކޮއްކޮ ހައްޔު ކުރީ އެއްޖިންސުން ގުޅުން ހިންގުމުގެ ތުހުމަތުގައި ކަމަށާއި އަދި ހައްޔު ކޮށްފައިވަނީ ދީނީގޮތިން ހައްދުފަހަނައެޅި މީހުން ހިންހަމަ ޖެއްސުމަށް ކަމަށް ވިދާޅުވެ އިނގިރޭސިބަހުން ޓްވީޓްކުރުމުން ގިނަބައެއްގެ ފާޑުކިޔުން ވަނީ ނަޝީދަށް އަމާޒުވެފައެވެ.
ނަޝީދުގެ އެ ޓްވީޓަށް ފާޑުވިދާޅުވެ ޝިޔާމް ވިދާޅުވީ، ނަޝީދު ކުރެއްވި ޓުވީޓުގެ އޮތީ ދެމަގުސަދެއްކަމަށެވެ.އެއީ އެއްޖިންސުން ގުޅުންހިންގުމަކީ އިންސާނީ ހައްޤެއްކަމަށް ވަކާލާތުކުރާ ފަރާތްތަކުގެ ސަޕޯޓު ހޯދުމާއި، ދީނީ ޢިލްމުވެރިންނަކީ ހަރުކަށި ފިކުރުގެ މީހުން ކަމަށް ބޭރު ދުނިޔެއަށް ބުނެދޭން މަސައްކަތްކުރުން ކަމުގައެވެ.
ނަޝިދުގެ ކޮއްކޮ ނާޒިމް ހައްޔަރުކޮށްފައިވަނީ އެއްޖިންސުން ގުޅުން ހިންގިކަމަށް ތުހުމަތުކުރެވޭ މީހުން ހައްޔަރުކުރުން ލަސްވާތީ އެތައް ބައެއްގެ ފާޑުކިޔުމާއި ޕްރެޝަރ ސަރުކާރަށް އަމާޒުވެފައިވަނިކޮށެވެ.
އެއްޖިންސުން ގުޅުން ހިންގިކަމުގެ ތުހުމަތުގައި ނަޝީދުގެ ކޮއްކޮ ނާޒިމްގެ އިތުރުން ނޮޅިވަރަމް ދާއިރާގެ ކުރީގެ މެންބަރު މުޙައްމަދު ނަޝީދު (ކާނަލް)އާއި ފުލުހެއްވެސް ހައްޔަރުކޮށްފައިވެއެވެ.
ކޮމެންޓު ފޮނުވާ