މިއަދު ބޭއްވުނު އައްޑު އަތޮޅު ހިތަދޫގެ އަންހެނުންގެ ތަރައްގީއަށް މަސައްކަތްކުރާ ކޮމެޓީގެ ގޮނޑި އިދިކޮޅު ޕީޕިއެމްއިން ކާމިޔާބު ކޮށްފިއެވެ.
އިލެކްޝަންސް ކޮމިޝަނުން އިއުލާން ކޮށްފައިވާ ވަގުތީ ނަތީޖާ ދައްކާ ގޮތުން، ޕީޕީއެމްގެ ފަރާތުން ވާދަކުރެއްވި ފާތިމަތު ނަޒީހާ ޑަބްލިއުޑީސީގެ ހިތަދޫ އަންހެނުންގެ ގޮޑި ކާމިޔާބު ކޮށްފައިވަނީ އޭނާއާ ވާދަކުރި ވެރިކަން ކުރާ އެމްޑީޕީގެ ފަރާތުން އާމިނަތު ޝާހިދާއާއި ވާދަކޮށް 141 ވޯޓުގެ ތަފާތަކުންނެެވެ.
ހިތަދޫ ޑަބްލިއިޑިސީގެ ގޮނޑި އެމްޑީޕީ ބަލިކޮށް ޕީޕިއެމްއިން ކާމިޔާބު ކޮށްފައިވާއިރު، އެމްޑީޕީގެ ކެނޑިޑޭޓު ބަލިކޮށް، ތ. ވަންދޫ ޑަބްލިއުޑީސީގެ ގޮނޑި އެމްއެންޕީން މިއަދު ވަނީ ކާމިޔާބު ކޮށްފައެވެ. އޭނާ މި ގޮޑި ކާމިޔާބު ކޮށްފައިވަނީ، ވެރިކަންކުރާ އެމްޑީޕީގެ ފަރާތުން ޝިރުމީނާ އަލީއާއި ވާދަކޮށް 43 ވޯޓުގެ ތަފާތުންނެެވެ.
އެމްޑީޕީއަށް ޑަބްލިއުޑީސީގެ ގޮޑިތައް ގެއްލެމުން ދާއިރު، އެޕާޓީގެ އެތެރޭގައިވަނީ ބޮޑު ހަަނުޖެހުންތައް ހިގާ، ޕާޓީވަނީ ދެފެކްޝަނަކަށް ބެހިގެން ގޮސްފައެވެ. އަދި ޕާޓީގެ އެންމެ އިސް ދެ ލީޑަރުން ކަމުގައިވާ މަޖިލިސް ރައީސް މުހައްމަދު ނަޝީދާއި ރައީސް ސާލިހުވެސް ވިދާޅުވަމުން ގެންދަވަނީ ދެބޭފުޅުންވެސް ކުރިޔަށް އޮތް ރިޔާސީ އިންތިޚާބުގައި ވާދަ ކުރައްވާނޭ ކަމުގައެވެ.
