ރަންބީރު ކަޕޫރު ވަރަށް ތަފާތުކޮށް ފެނިގެންދާ ފިލްމް "ޝަމްޝޭރާ" ރިލީޒް ކުރާ ދުވަސް އިއުލާން ކޮށްފިއެވެ.
"ޝަމްޝޭރާ" އަކީ ރަންބީރު މުޅިން ތަފާތު ގޮތަކަށް އޭނާ ފެނިގެން ދާނެ ފިލްމެކެވެ. ފިލްމު ރިލީޒް ކުރަނީ އަންނަ މަހުގެ 22 ވަނަ ދުވަހުއެވެ.
ފިލްމުގެ މުހިންމު ރޯލުތަކުން ރަންބީރުގެ އިތުރުން ސަންޖޭދަތު އަދި ވާނީ ކަޕޫރު ފެނިގެންދާއިރު މި ފިލްމަކީ ޔަޝްރާޖް ފިލްމްސް އިން ޕުރޮޑިއުސް ކުރާ ފިލްމެކެވެ.
މި ފިލްމާ ބެހޭ ގޮތުން ރަންބީރު ބުނީ މިއީ ކުޅެލަން ވަރަށް ބޭނުންވާ ޒާތުގެ ފިލްމެއް ކަމަށެވެ. ވަރަށް ވަރުގަދަ އެކްޝަން މަންޒަރުތަކެއް ވެސް ހިމެނޭ "ޝަމްޝޭރާ" އަކީ ކޮމާޝަލް ހުރިހާ ރަހައެއް ހެޔޮވަރު އެކްޝަން އެޑްވެންޗާ ފިލްމެއް ކަމަށް ވެސް ރަންބީރު ބުންނެއެވެ.
