ރައީސުލްޖުމްހޫރިއްޔާ އިބުރާހިމް މުހައްމަދު ސާލިހަށް، 2023ގެ އެމްޑީޕީގެ ރިޔާސީ ޓިކެޓް ޝަރުތަކާ ނުލާ ލިބެންޖެހޭ ކަމުގައި ޓްރޭޑް ޔޫނިއަންގެ ނައިބް ރައީސް އަދި ކުރީގެ ގްރޭޓަރ މާލޭ އިންޑަސްޓްރިއަލް ޒޯން ލިމިޓެޑް ކުންފުނީގެ ބޯޑުގެ ޗެއަރމަން ސައުދުﷲ އަހުމަދު ވިދާޅުވެއްޖެއެވެ.
ސައުދު މިއަދު ކުރެއްވި ޓުވީޓެއްގައި ވިދާޅުވެފައިވަނީ، ރިޔާސީ ނިޒާމުގައި ވެރިކަން ކުރުމަށް އެންމެ ގާބިލް ބޭފުޅަކީ ރައީސް ސާލިހު ކަމަށާއި އެމަނިކްފާނުވަނީ ގައުމު ބިނާކޮށް ދެއްވާ، ތަފާތުކުރުންތައް ނައްތަވާލައްވާ، އަދި އޭގެ އިތުރުން ދުނިޔެއަށް ދިމާވި ކޯވިޑްގެ ބަލިމަޑުކަމުގައި ރައްޔިތުންނަށް ނިކެމެތިކަމެއް އަޔަނުދީ ގައުމު އާރާސްތު ކޮށްދެއްވާފައި ކަމުގައެވެ.
Riyaasee nizaam ge veriyakah 2023ah ves enme Qaabil beyfulhakee Raees @ibusolih .RJ vanee Qaumu binaa koh ,thafaathu kurun nahthaalaa,dhuniyah dhimaavi Covid bali madu kamugai Rahyithunah nikamethi kameh aya nudhee Qaumu aaraasth kohdhehvaafa.Qaumuge hama jehumaai.sulha maslas
— Saudulla Ahmed (@saudullaahmed1) June 16, 2022
ސައުދުގެ ޓުވީޓުގައި އިތުރަށް ވިދާޅުވެފައިވަނީ، ގައުމުގެ ހަމަޖެހުމާއި، ސުލްހަ މަސަލަސްކަން މިހާރު ގާއިމްވެފައި ވާކަމަށާއި، ރައީސް ސާލިހަށް ދެވަނަ ދައުރެއް ދީގެންމެނުވީ މިހާރު އަންނަމުންދާ ތަރައްގީ ފުރިހަމަ ނުވާނެ ކަމުގައެވެ.
އިތުރަށް ސައުދު ވިދާޅުވެފައި ވާގޮތުގައި ރިޔާސީ ނިޒާމް ހިންގާ ގައުމުތަކުގައިވެސް، ރިވެތި ވެރިކަމެއް ކުރާ ވެރިއަކަށް ދެވަނަ ދައުރެއް ކަށަވަރު ވާކަމަށާއި، ޑިކޮމްރަސީގެ ރިވެތި އުސޫލަކީ އެއީ ކަމުގައެވެ.
ގިނަ ދުވަސްތަކަށްފަހު ރައީސް ސާލިހު ފާއިތުވެދިޔަ ހަފްތާގައި ބޭއްވި ނޫސްވެރިންގެ ބައްދަލުވުމުގައި އެމެނިކްފާނުވަނީ 2023ގެ ރިޔާސީ އިންތިޚާބު އެމްޑީޕީއަށް ކާމިޔާބު ކުރަން ބޭނުންވާނަމަ އެމަނިކްފާނު ހުންނެވީ ޗޮއިސްއަކަށް ވެވަޑައިގަންނަވަން ތައްޔާރަށް ކަމުގައި ވިދާޅުވެފައެވެ.
އަދި އެއަށްފަހު ރައީސް ސާލިހުގެ ކެބިނެޓްގެ ގިނަ ވަޒީރުން މިހާރުވަނި 2023އަށް އެމަނިކްފާނު އެންޑޯސްވެސް ކުރައްވާފައެވެ.
