ބޮލީވުޑްގެ ރީތި ބަތަލާ އައިޝްވާރިޔާ ރާއީ، އޭނާގެ ފިރިމީހާ އަބިޝޭކް ބައްޗަން އާއި އެކުގައި ފިލްމެއް ކުޅެލަށް ބޭނުންކަމަށް އައިޝްވާރިޔާ ބުނެފިއެވެ.
އައިޝްވާރިޔާ ބުނެފައިވަނީ އެކުގައި އަދި ފިލްމެއް ކުޅެވެން ނެތް ކަމަށާއި އެކަމަށް ހުރަސް އަޅާ ކަންތަށްތަކެއް އެބަ ހުރިކަމަށް އޭނާ ވަނީ ބުނެފައެވެ. ދެމަފިރިން އެކުގައި ފިލްމެއް ކުޅުމާއި ބެހޭގޮތުން އީ ޓައިމްސް އިން ކުރި ސަުވާލަކަށް ޖަވާބު ދެމުން އައިޝްވާރިޔާ ބުނެފައިވަނީ އެދެމީހުން އެކުގައި ފިލްމަކުން ނުފެންނަ ބައިވަރު ސަބަބުތައް އެބަ ހުރިކަމަށެވެ.
އެގޮތުން ދެމީހުން އެކުގައި ފިލްމެއް ކުޅުމަށް ހުރަސް އަޅަނީ އާއިލާއަށާއި، ދަރިފުޅު އަރަދިޔާއަށް އަދި ދެފަރާތުގެ އާއިލާއަށް ދޭންޖެހޭ ވަގުތާއި ދޭން ޖެހޭ ސަމާލުކަމުގެ ސަބަބުން އިތުރު ކަންކަމަށް ވަގުތު ދޭން ދަތިވާކަމަށް އޭނާ ވަނީ ބުނެފައެވެ.
2007 ވަނަ އަހަރު ދެ ތަރިން ކައިވެނި ކުރިފަހުން އައިޝްވާރިޔާ ފިލްމު ކުޅުމާއި ވަރަށް ބޮޑަށް ދުރުވިއެވެ. އަދި 2011 ވަނަ އަހަރު އެދެމީހުންގެ އަލަތު ދަރިފުޅު އާރަދްޔާ ލިބުމަށްފަހު އައިޝްވަރްޔާ ވަނީ އެއްކޮންހެން ފިލްްމު ކުޅުން ހުއްޓާލާފައެވެ. މިހާރު އޭނާ ސްކްރީނުން ފެންނަނީ ވަރަށް މަދުންނެވެ.
އައިޝްވާރިޔާ ގިނަ ވަގުތު ހޭދަކުރަނީ އާރަދްޔާގެ ކަންކަމުގައެވެ. އަދި ކޮންމެ ތަނަކަށް ދިޔަ ކަމުގައިވިޔަސް އަބަދުވެސް އާރަދްޔާ އޭނާ ކައިރީގައި ހުރެއެވެ.
އަބިޝޭކް އައިޝްވާރިޔާ އެކުގައިވަނީ ބައެއް ފިލްމު ތަކުން ފެނިގެން ގޮސްފައެވެ. މި ދެތަރިން އެކުގައި ކުޅުނު ފިލްމު "ގުރޫ" އަކީ ފާހަގަ ކޮށްލެވޭފަދަ ކެމިސްޓްރީއެއް ދެއްކި ފިލްމެ އެކެވެ. އަދި ދެމީހުންގެ ލޯބީގެ ފެށުމަކީވެސް މި ފިލްމެވެ.
