އިންޑިޔާ ފުލުހުން އެގައުމުގެ މުސްލިމުން ގައިގަ ތަޅާ އަނިޔާކުރަމުންދާ ދިއުމަކީ މުއްލިމެއްގެ ހައިދިއްޔަތުން ނުހަނު ކަންބޮޑުވާ ކަމެއްކަމުގައި ދީނީ ޢިލްމުވެރިޔާ ޝައިޚު އަލީ ޒައިދު ވިދާޅުވެއްޖެއެވެ.
ޝައިޚު ޒައިދު މިހެން ވިދާޅުވީ މިފަހަކަށް އައިސް އިންޑިއާގައި ދިރިއުޅޭ މުސްލިމު ރައްޔިތުންނާއި މެދު އެޤައުމުގެ ސަރުކާރުން އަމަލު ކުރަމުންދާ އަނިޔާވެރި އަމަލުތައް ގިނަވެ ދުނިޔޭގެ ސަމާލުކަމަށް އަންނަމުންދާ ދަނޑިވަޅެއްގައެވެ.
ޝައިޚު ޒައިދު ވިދާޅުވީ އިންޑިއާގައި ދިރިއުޅޭ މުސްލިމު ރައްޔިތުންގެ ގައިގައި ތަޅާ އަނިޔާކޮށް، ހިންގަމުންދާ އަނިޔާވެރި ޢަމަލުތަކަކީ ބަލައި ގަނެވޭ ޢަމަލުތަކެއް ނޫންކަމަށެވެ. އަދި މިއީ މުޅި އިސްލާމީ އުންމަތުގެ ކަންބޮޑުވުން އޮތް ބޮޑު މައްސަލައެއްކަމަށާއި، މިފަދަ ނާތަހުޒީބު ޢަމަލުތައް އެންމެ ހަރުކަށި އިބާރާތުން ކުށްވެރި ކުރާކަމަށް ޝައިޚު ވިދާޅުވިއެވެ.
އިންޑިއާއިން މިހާރަކަށް އިއައިސް އެޤައުމުގެ މުސްލިމު ރައްޔިތުންނާމެދު މި ގެންގުޅޭ ބްރްޓާލިޓީ އަކީ ހައިރާންވަ ދަރަޖައަށް ގޮސްފައިވާކަމެއް! ނާއިންސާފުން އެތައް ބަޔަކަށް ޕޮލިސްއާއި ހިންދޫއިން ހަމަލާ ދެނީ ފާޅުގައި! އިސްލާމުންނާއި މިވަރަށް ޖައްސާލާއިރު އިސްލާމެއްގެ ހައިސިއްޔަތުން ދެރަވެ ކަންބޮޑުވޭ!
– ޝައިޚު ޒައިދު ވިދާޅުވިއެވެ.
އިންޑިއާގެ ސަރުކާރު ހިންގާ ބީޖޭޕީގެ ކުރީގެ ދެ ތަރުޖަމާނަކު ރަސޫލާއާ ދެކޮޅަށް ދެއްކި ވާހަކަތަކާ ގުޅިގެން ހުކުރު ނަމާދަށް ފަހު މުޒާހަރާތަކާއި ކުރިމަތިލުންތައް ހިނގައި ބައެއް މުސްލިމުން ހައްޔަރުކޮށް ވަނީ ފުލުހުންގެ އިދާރާއަށް ގެންގޮސް އަނިޔާކޮށްފައެވެ. މިގޮތުން މިފަހުން ދައުރުވަމުންދާ ވީޑިއޯގައި ނުވަ ވަރަކަށް ފިރިހެނުން ގައިގައި ހުއްޓުމެއްނެތި ފުލުހުން ދަނޑިބުރިން ތަޅާ އަނިޔާކުރާ މަންޒަރު ފެނެއެވެ.
الشرطة الهندية تعذّب بوحشية مسلمين في #الهند تظاهروا ضد التصريحات المسيئة للنبي الكريم pic.twitter.com/HIoEgJueLr
— قناة الجزيرة (@AJArabic) June 11, 2022
ހުކުރު ދުވަހުގެ މުޒާހަރާތަކާއި ހަމަނުޖެހުންތަކާ ގުޅިގެން އުއްތަރަ ޕްރަދޭޝްގެ ފުލުހުން އެ ސްޓޭޓްގެ އެކި ހިސާބުތަކުން 300 އަށް ވުރެ ގިނަ މީހުން ހައްޔަރު ކޮށްފައިވާއިރު، ޗީފް މިނިސްޓަރު ޔޯގީ އަޑިތުނަޔަތު ނަޑިޔަތުނަ ވަނީ މަސްލަހަތު ނަގާލަން އުޅޭ މީހުންނާ ދެކޮޅަށް "އެންމެ ހަރުކަށި" ފިޔަވަޅު އަޅާނެ ކަމުގެ އިންޒާރު ދީފައެވެ.
މުސްލިމުންގެ ނަބިއްޔާ އާއި ބެހޭގޮތުން ދެއްކި ވާހަކަތަކާއި ގުޅިގެން ނުޕޫރު ޝަރްމާ ވަނީ ބީޖޭޕީން ސަސްޕެންޑްވެސް ކޮށްފައެވެ. ނަމަވެސް އިންޑިޔާގެ ސަހަރަންޕޫރު ހިމެނޭގޮތަށް އެހި އަވަށްތަކުގައި މުޒާހަރާކުރާ ފަރާތްތަކުން ދަނީ ޝަރްމާއާ ދެކޮޅަށް އަޑުއުފުލައި، އޭނާގެ މައްޗަށް މަރުގެ ހުކުމް އިއްވުމަށް ގޮވަމުންނެވެ. ބިޖްނޯރް، މޮރާދާބާދު، ރާމްޕޫރު އަދި ލަކްނޯގައި ވެސް މުސްލިމުން ދަނީ މުޒާހަރާ ކުރަމުންނެވެ.
